Փաշինյանի՝ ԼՂ-ում Բաքվի էթնիկ զտման փորձի մասին․ սկսվեց Օհանյանի գույքի շուրջ դատաքննությունը․ Լուրեր

• Ադրբեջանը էթնիկ զտման բացահայտ քաղաքականություն է վարում Լեռնային Ղարաբաղում։ Այս մասին այսօր հայտարարել է վարչապետ Նիկոլ Փաշինյանը։ նա նշել է, որ իրենց տեղեկություններով Բաքուն մտադիր է Լեռնային Ղարաբաղում տնտեսական, հոգեբանական ճնշումը հասցնել ինչ-որ մի կուլմինացիոն կետի, դրանից հետո մի քանի օրով բացել միջանցքը՝ ակնկալիքով, որ Լեռնային Ղարաբաղի հայերը զանգվածաբար կլքեն իրենց տները, կրկին փակել միջանցքը և հետո կրկին մի քանի օրով բացել և այսպես այնքան մինչև վերջին հայը կլքի Լեռնային Ղարաբաղը։ Ըստ Փաշինյանի՝ միջազգային հանրության շրջանում դանդաղ, բայց հաստատուն քայլերով ավելի է ուժեղանում ընկալումը, որ Բաքուն էթնիկ զտում է անում Լեռնային Ղարաբաղում։
• Ֆրանսիայի հայկական կազմակերպությունները համակարգող խորհրդի տարեկան ընթրիքի ժամանակ Ֆրանսիայի ՆԳ նախարար Ժերալդ Դարմանինը հայտարարել է, որ Ֆրանսիան չի տատանվելու Արցախի շրջափակման հարցում լուծում գտնելու համար։ Հայաստանի հակառակորդները Ֆրանսիայի հակառակորդներն են։
• Հակակոռուպցիոն դատարանում սկսվել է ՀՀ նախկին պաշտպանության նախարար, ընդդիմադիր պատգամավոր Սեյրան Օհանյանի ենթադրյալ ապօրինի գույքի գործի քննությունը։ Հայցի համաձայն՝ Օհանյանից պետք է բռնագանձվեն «Լեքսուս» մեքենա, մեկ տասնյակի հասնող անշարժ գույք, միլիոնավոր դրամներ։ Օհանյանն էլ ի պատասխան՝ ասել է, որ ապօրինի չի հարստացել, և նշված գույքերն իրեն չեն պատկանում։

Այս ժամի լուրերը՝ տեսանյութում։