15.01.2025 | 14:03
Արտադրողականությունը բարձր է այն երկրներում, որտեղ աշխատաժամանակը կրճատված է. Նարեկ Մկրտչյան․ ՏԵՍԱՆՅՈՒԹ
Գերմանիայում կալանավորել են ՌԴ-ի օգտին լրտեսությամբ զբաղվող ևս մեկ անձի
Քաղաքականություն
26.01.2023 | 15:45
Գերմանիայում կալանավորվել է դավաճանության և Ռուսաստանի օգտին լրտեսության մեջ կասկածվող Գերմանիայի Դաշնային հետախուզական ծառայության (BND) անդամի ենթադրյալ հանցակիցը, գրում է DW-ի ռուսական ծառայությունը։
ԱՄՆ-ից ժամանած Գերմանիայի քաղաքացի Արթուր Ե․-ն Դաշնային քրեական գրասենյակի աշխատակիցների կողմից ձերբակալվել է հունվարի 22-ին Մյունխենի օդանավակայանում սահմանը հատելուց հետո։ Դաշնային դատախազության հաղորդմամբ՝ Ե.-ն առաքիչի դեր է կատարել՝ BND-ի աշխատակցից ստանալով և Ռուսաստան տեղափոխելով գաղտնի տվյալներ։ Նրա նկատմամբ պետական դավաճանությանը մեղսակցության կասկածանքով կալանավորման ծանուցում է տրվել։
Դատախազության տվյալներով՝ 2022 թվականին կասկածյալը Ռուսաստանի հետախուզական ծառայությանն է փոխանցել տեղեկություններ, որոնք ստացել է այս գործով ներգրավված գլխավոր անձից՝ Դաշնային հետախուզական ծառայության աշխատակցից։ Միաժամանակ, ինքը՝ Ե.-ն, այս ծառայության աշխատակից չէ։
Սա արդեն կալանավորման երկրորդ դեպքն է BND-ի սպա Կառստեն Լ.-ի՝ Ռուսաստանի օգտին լրտեսության գործով։ Կառստենը դեկտեմբերին է ձերբակալվել պետական դավաճանության՝ ՌԴ-ի օգտին լրտեսության մեղադրանքով։
Քննության տվյալներով՝ նա կարող էր Մոսկվային գաղտնի տեղեկատվություն փոխանցել Ուկրաինայում տիրող իրավիճակի վերաբերյալ։ Գերմանիայի Գլխավոր դատախազության տվյալներով՝ 2022 թվականին Կառստեն Լ.-ն Ռուսաստանին է փոխանցել պետական գաղտնիքին առնչվող տեղեկություններ։
Էմմա Չոբանյան
