06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
ՅՈՒՆԵՍԿՕ-ն Օդեսան ներառել է վտանգի տակ գտնվող համաշխարհային ժառանգության ցանկում
Քաղաքականություն
26.01.2023 | 13:56
ՅՈՒՆԵՍԿՕ-ն Ուկրաինայի Օդեսա քաղաքի պատմական կենտրոնն ընդգրկել է վտանգի տակ գտնվող համաշխարհային ժառանգության ցանկում՝ ընդունելով «այս վայրի ակնառու համընդհանուր արժեքը և այն պաշտպանելու՝ ամբողջ մարդկության պարտականությունը»։ Այս մասին ասված է կազմակերպության պաշտոնական կայքում հրապարակված հաղորդագրությունում։
Որոշումն ընդունվել է Փարիզում ՅՈՒՆԵՍԿՕ-ի համաշխարհային ժառանգության կոմիտեի արտահերթ նիստում։
ՅՈՒՆԵՍԿՕ-ի գլխավոր տնօրեն Օդրի Ազուլեյը ողջունել է այդ քայլը՝ ասելով, որ «լեգենդար նավահանգիստը, որն իր հետքն է թողել կինոյի, գրականության և արվեստների վրա, միջազգային հանրության ուժեղացված պաշտպանության տակ է հայտնվել»:
«Մինչ պատերազմը շարունակվում է, այս կարգավիճակը մարմնավորում է մեր հավաքական վճռականությունը՝ ամեն ինչ անել այս քաղաքը հետագա կործանումից փրկելու համար»,- հավելել է Ազուլեյը:
Նշենք, որ ռուսական զորքերը 11 ամիս առաջ Ուկրաինա ներխուժելուց հետո բազմիցս հրետանային և օդային հարվածներ են հասցրել Օդեսային։
Տաթև Ֆռանգյան
