19.09.2026 | 22:19
Եկեղեցու վերաբերյալ զեկույցի նախագիծը պատրաստ է․ չեմ բացառում՝ ԱԺ-ում քննիչ հանձնաժողով ստեղծվի․ Նիկոլ Փաշինյան․ ՏԵՍԱՆՅՈւԹ
Հակառակորդի զորքերը ղարաբաղա-ադրբեջանական սահմանի ողջ երկայնքով մի կողմից մյուս կողմ են տեղաշարժվում․ Դավիթ Բաբայան
Քաղաքականություն
14.06.2018 | 15:59
Ադրբեջանական զորքերը ղարաբաղա-ադրբեջանական սահմանի ողջ երկայնքով մի կողմից մյուս կողմ են տեղաշարժվում։
Այս մասին Factor․am-ի հետ զրույցում ասաց Արցախի Հանրապետության նախագահի մամուլի խոսնակ Դավիթ Բաբայանը և հավելեց, որ ադրբեջանական կողմը ետ չի տանում իր զորքն ու զինտեխնիկան, և նրանք շարունակում են տեղակայված մնալ սահմանին զուգահեռ։
Դավիթ Բաբայանը նշեց, որ սահմանի որոշ հատվածներում՝ լեռնային հատվածներում, կուտակումներ այդքան շատ չեն նկատվում, փոխարենն ադրբեջանական զինտեխնիկան և մարդկային ռեսուրսն ավելի շատ տեղակայված է սահմանի արևելյան հատվածում: «Ամեն ինչ էլ հնարավոր է։ Արցախի բանակը բերված է համապատասխան բարձր պատրաստվածության»,- ասաց Արցախի Հանրապետության նախագահի մամուլի խոսնակը։
Նա նաև նկատեց, որ արցախյան կողմը սահմանային իրավիճակում հակառակորդի կողմից ձեռնարկված գործողությունների մասին տեղյակ են պահել համանախագահներին և հույս հայտնեց, որ Երևանից մեկնած Մինսկի խմբի համանախագահները չեն շրջանցի այս հարցը։
Ճշտող հարցին՝ ի՞նչ ակնկալիքներ կան խնդրի վերաբերյալ Փաշինյան-Պուտին հանդիպումից, Դավիթ Բաբայանը պատասխանեց․ «Ժամանակը ցույց կտա, բայց խնդիրը նրա մեջ է, որ մենք պարտավոր ենք միջազգային հանրությանը տեղյակ պահել, ինչն էլ արել ենք»։
