25.11.2024 | 14:54
Հնդկաստանը Pinaka համակարգերի առաջին խմբաքանակն է մատակարարել Հայաստանին․ ԶԼՄ
Ուկրաինայի զինված ուժերի ներկայացուցիչը հաստատել է Սոլեդարի կորուստը
Քաղաքականություն
25.01.2023 | 20:10
Ուկրաինայի զինված ուժերի արևելյան խմբի ներկայացուցիչ Սերգեյ Չերևատին հաստատել է ուկրաինական բանակի նահանջը Սոլեդարից։ Այս մասին նա հայտարարել է AFP-ին տված հարցազրույցում, փոխանցում է DW-ի ռուսական ծառայությունը։
«Ամիսներ տևած դժվարին մարտերից հետո ուկրաինական զինված ուժերը դուրս են բերվել այնտեղից, որպեսզի նահանջեն նախապատրաստված դիրքեր»,- ասել է Չերևատին։
Նա չի նշել քաղաքից Ուկրաինայի զինված ուժերի ստորաբաժանումների դուրսբերման հստակ օրը։
Ռուսաստանի Պաշտպանության նախարարությունը Սոլեդարի գրավման մասին հայտարարել էր հունվարի 13-ին, սակայն ուկրաինական կողմը հերքել էր քաղաքի կորուստը։ AFP-ի հաղորդմամբ՝ քաղաքի գրավումը ռուսական բանակի առաջին նշանակալի հաջողությունն էր վերջին ամիսներին կրած մի շարք պարտություններից հետո։
Այս քաղաքի նկատմամբ ռուսական ամբողջական վերահսկողությունը կարող է բարդացնել Ուկրաինայի զինված ուժերի ստորաբաժանումների իրավիճակը, որոնք մի քանի ամիս պաշտպանություն են իրականացնում հարևան Բախմուտում։
Տաթև Ֆռանգյան
