16.12.2025 | 20:45
Անհիմն են արգելվել ցույցերը․ 2020-ին հայտարարված ռազմական դրության հետքերով. ՏԵՍԱՆՅՈՒԹ
Գերմանիան Կիևին 14 Leopard 2-A6 տանկ կմատակարարի. Օլաֆ Շոլց
Քաղաքականություն
25.01.2023 | 18:02
Գերմանիայի կանցլեր Օլաֆ Շոլցը պաշտոնապես հաստատել է Ուկրաինային Leopard տանկեր մատակարարելու մտադրությունը։ Այդ մասին նա հայտարարել է Բունդեսթագում ունեցած ելույթում, գրում է DW-ի ռուսական ծառայությունը։
Առաջին փուլում Գերմանիան Կիևին կտրամադրի 14 միավոր Leopard 2-A6 տանկ Բունդեսվերի պահուստից։ Բեռլինը նաև այլ երկրներին թույլ կտա տանկեր վերաարտահանել Ուկրաինա։ Շոլցը նշել է, որ առաջադրանքն է՝ օպերատիվ հավաքել երկու տանկային գումարտակ Ուկրաինայի համար։ Բունդեսվերի տանկային գումարտակի կազմը սովորաբար ներառում է 44 տանկ։ Այսպիսով, կարելի է խոսել եվրոպացի գործընկերների կողմից Ուկրաինային Leopard 2 տեսակի շուրջ 90 մարտական մեքենաների մատակարարման մասին։
Ուկրաիանական անձնակազմի վերապատրաստումը պետք է սկսվի Գերմանիայում՝ հնարավորինս շուտ։ Օգնության նոր փաթեթը ներառելու է նաև լոգիստիկա, զինամթերք և համակարգերի սպասարկում:
«Այս որոշումը համապատասխանում է Ուկրաինային ուժերի ներածին չափով աջակցելու մեր դիրքորոշմանը: Մենք միջազգային մակարդակով գործում ենք սերտ համակարգված և համաձայնեցված»,- ասել է Շոլցը։
Էմմա Չոբանյան
