05.11.2024 | 17:39
«Դիմակայունություն Սյունիք» ծրագրով մարզին 49 մլն եվրո պետք է հատկացվի․ Ռոբերտ Ղուկասյան․ ՏԵՍԱՆՅՈՒԹ
ԵՄ-ն հայտարարել է անօրինական միգրանտներին արտաքսելու նոր ծրագրի մասին
Քաղաքականություն
25.01.2023 | 16:10
Եվրահանձնաժողովը ցանկանում է ԵՄ-ում անօրինական միգրանտների աճող թվի խնդրով զբաղվել արտաքսման նոր ռազմավարությամբ, որի մասին հայտարարվել է հունվարի 24-ին, գրում է Korrespondent-ը։
«Նրանք, ովքեր միջազգային պաշտպանության կարիք չունեն, պետք է վերադառնան իրենց ծագման երկիր»,- Բրյուսելում հայտարարել է ԵՄ ներքին գործերի հանձնակատար Իլվա Յոհանսոնը։
Նա ասել է, որ 2022 թվականին ԵՄ է ժամանել ավելի քան 300,000 անօրինական միգրանտ։ Նրանցից շատերն ապաստան ստանալու իրավունք չունեն։
ԵՄ-ն մի քանի տարի անհաջող կերպով փորձում է բարձրացնել միգրանտների հայրենադարձության մակարդակը։ Այնուամենայնիվ, արտաքսված և հայրենադարձված միգրանտների տեսակարար կշիռը նվազում է. եթե 2019 թվականին նրանց թիվը 29% է եղել, ապա 2021 թվականին՝ ընդամենը 21%։
Արտաքսման նոր ռազմավարությունը պետք է «ծառայի որպես կանխարգելիչ միջոց՝ օգնելու նվազեցնել անապահով և անօրինական միգրացիան», ասվում է Եվրահանձնաժողովի հայտարարության մեջ:
Ռազմավարությունը ենթադրում է ավելի սերտ համագործակցություն ԵՄ անդամ երկրների միջև, արագացված տվյալների փոխանակում և որոշումների կայացման գործընթացներ։
Տաթև Ֆռանգյան
