13.09.2026 | 14:32
Մոլդովական փողոցում խոտածածկույթի հրդեհ է բռնկվել, առկա էր տարածման վտանգ
Թուրքիայի՝ ՆԱՏՕ-ին անդամակցությունը կասկածի տակ դնելը հիմարություն է․ Անկարան չի պատրաստվում լքել դաշինքը․ ԱԶԿ խոսնակ
Քաղաքականություն
25.01.2023 | 15:06
Թուրքիայի իշխող «Արդարություն և զարգացում» կուսակցության խոսնակ Օմեր Չելիքը CNN Türk-ին տված հարցազրույցում արձագանքել է ՆԱՏՕ-ից Թուրքիայի դուրս գալու մասին խոսակցություններին, գրում են տեղական լրատվականները։
«Բոլոր նրանց խոսքերը, որոնք ասում են՝ Թուրքիային հեռացնել ՆԱՏՕ-ից, խելամիտ չեն։ Մենք հիմնադիր անդամ ենք։ Թուրքիային ՆԱՏՕ-ից հեռացնելու մասին խոսք չկա։ Թուրքիայի՝ ՆԱՏՕ-ին անդամակցությունը կասկածի տակ դնելը հիմարություն է»,- ասել է Չելիքը։
Նշենք, որ ավելի վաղ «Հայրենիք» կուսակցության փոխնախագահ Էթհեմ Սանջաքը հայտարարել էր, որ Թուրքիան 5-6 ամիս անց կարող է դուրս գալ ՆԱՏՕ-ից՝ Անկարայի դեմ սադրիչ գործողությունների պատճառով։
Էմմա Չոբանյան
