09.10.2026 | 12:35
Լուկաշենկոն հույս ունի, որ Հայաստանը 2029 թվականին կստանձնի ԱՊՀ նախագահությունը
Գերմանիան թույլատրել է Leopard տանկեր փոխանցել Ուկրաինային․ Der Spiegel
Քաղաքականություն
25.01.2023 | 13:58
Գերմանական Der Spiegel պարբերականը հայտնում է Գերմանիայի կանցլեր Օլաֆ Շոլցի որոշման մասին՝ Ուկրաինային Leopard 2 տանկեր փոխանցել, որոնք Կիևը երկար ժամանակ է՝ խնդրում էր, գրում է DW-ի ռուսական ծառայությունը։
Der Spiegel-ը հայտնում է, որ խոսքն առնվազն 10 տանկի մասին է։
Տեղեկության պաշտոնական հաստատում դեռևս չկա, սակայն լրատվամիջոցների լուրերին արդեն արձագանքել են Բունդեսթագում։ Պաշտպանության կոմիտեի նախագահ Մարի-Ագնես Շթրաք-Զիմերմանը հայտարարել է ռուսական ներխուժումը հետ մղելու կարևոր քայլի մասին։ Նրա խոսքով՝ որոշումը երկար է տևել, բայց, ի վերջո, այն անխուսափելի էր։
«Այն փաստը, որ Գերմանիան թույլ կտա գործընկեր երկրներին փոխանցել իրենց տանկերը, ինչպես նաև ինքը կմատակարարի դրանք, մխիթարական նորություն է հյուծված և խիզախ ուկրաինացի ժողովրդի համար»,- ասել է նա։
Ընդդիմադիր խմբակցության ղեկավար Ֆրիդրիխ Մերցը ևս ողջունել է կառավարության այս որոշումը, միաժամանակ, սակայն, կանցլերին մեղադրել անվճռականության ու երկար վարանելու մեջ։
Էմմա Չոբանյան
