14.10.2026 | 16:15
«Ռուսական երկաթուղիներ»-ը բաց է Հայաստանի հետ կոնցեսիոն պայմանագրի արդյունավետության համատեղ գնահատման համար
Հայաստանը պետք է Վրաստանի օրինակին չհետևի և հեռու պահի քաղհասարակությանը իշխանություն դառնալուց․ ՏԵՍԱՆՅՈՒԹ
14.06.2018 | 13:58
ՀՔԱ Վանաձորի գրասենյակի նախագահ, իրավապաշտպան Արթուր Սաքունցի համոզմամբ՝ Հայաստանին փոփոխություններ են անհրաժեշտ, քանի որ մենք հանդսանում ենք ԵՄ-ի հետ համաձայնագիր ստորագրած պետություն, ուստի թարմություն է պետք։
Ըստ Արթուր Սաքունցի՝ փոփոխության լավ օրինակ է Արևելյան գործընկերությունն ու այս համատեքստում հարևան Վրաստանի փորձը։
Այս մասին այսօր «Արևելյան Գործընկերության ապագան ալեկոծ ժամանակներում» թեմայով քննարկման ժամանակ ասաց նա և նշեց, որ վրացական փորձը պետք է ուսանելի լինի մեզ համար՝ հասկանալու համար Արևելյան գործընկերության շրջանակում ինչ ձեռք բերեց Վրաստանը և ինչ կորցրեցինք մենք ԵՏՄ անդամակցությամբ։
Խոսելով քաղաքացիական հասարակության դերի մասին՝ Արթուր Սաքունցը նշեց, որ մեզ համար ակնառու է վրացական օրինակը, երբ, Սաակաշվիլիի իշխանության գալով, քաղաքացիական հասարակությունը մտավ քաղաքական դաշտ և քաղհասարակությունը դարձավ ոչ արդյունավետ, ինչը բերեց համակարգային փլուզման և լայնածավալ բռնությունների, ուստի պետք է Հայաստանում քաղհասարակությունը մնա իր դիրքերում։
Մանրամասները՝ տեսանյութում։
