24.07.2026 | 21:25
TikTok-ն անչափահասների համար վտանգավոր է․ Եվրոպական հանձնաժողովը պահանջներ է ներկայացրել ընկերությանը
Լրագրողի աշխատանքը միտված է երկրի զարգացմանը․ Արման Թաթոյան․ ՏԵՍԱՆՅՈՒԹ
Հասարակություն
14.06.2018 | 13:45
ՀՀ մարդու իրավունքների պաշտպան Արման Թաթոյանն «Արևելյան Գործընկերության ապագան ալեկոծ ժամանակներում» թեմայով քննարկման ժամանակ, անդրադառնալով ՀՀ-ում առկա մարտահրավերներին ՝ առանձնացրեց մի քանի խնդիրներ, որոնք վերաբերում են անմեղության կանխավարկածին, ազատությունից մարդուն զրկելու միասնական մեխանիզմին, դատապարտյալներին ազատ արձակելու աստիճանական մեխանիզմին։
Մարդու իրավունքների պաշտպանը կարևորեց նաև փաստաբանի աշխատանքի դերը և նշեց, որ փաստաբանի աշխատանքն ուղիղ կապ ունի քաղհասարակության կայացման և մարդու իրավունքների պաշտպանության հետ։ «Ուզում եմ հատուկ նշել, որ ես կարևորում եմ այս հարցում հասարակական կազմակերպությունների ուժեղ աշխատանքը»,- ասաց պաշտպանը։
Նա նկատեց, որ Հայաստանում խնդիրներ են առկա նաև դատական համակարգում և այս համատեքստում կարևորեց բարեփոխումները նաև այդ համակարգում։
Արման Թաթոյանը արժևորեց իրավական գիտելիքների անհրաժեշտությունը այնպիսի ոլորտներում, ինչպիսին է, օրինակ, երեխաների իրավունքների պաշտպանության ոլորտը։
Մարդու իրավունքների պաշտպանն իր ելույթում առանձնացրեց լրագրողների աշխատանքը:«Լրագրողն ունի բարձ կոչում և այստեղ շատ կարևոր է նաև նրանց կարողությունների զարգացումը»,- ասաց նա՝ ընդգծելով որ լրագրողի աշխատանքը միտված է երկրի զարգացմանը։
Մանրամասները՝ տեսանյութում։
