Չեմպիոնի կոչման համար պայքարում են «Chessify» ակումբը և Հ. Գասպարյանի անվան շախմատի Օլիմպիական մարզադպրոցի առաջին թիմը

Լուրեր

24.06.2018 | 21:33
Ասկերանում հայտնաբերվել է ԵԿՄ-ի յուրացրած հսկայական օգնությունը
24.06.2018 | 21:23
Մանվել Գրիգորյանը զրկվեց լիազորություններից
24.06.2018 | 18:00
Թուրքիայի միակ հայկական գյուղում արտահերթ ընտրություններն ավարտվել են
24.06.2018 | 17:24
«Ո՞վ է վերահսկում այդ կայքերի համապատասխանությունը». Անահիտ Բախշյան
24.06.2018 | 16:38
ԵԿՄ-ն արտահերթ նիստ է գումարել
24.06.2018 | 16:17
Եղանակն՝ առաջիկա օրերին
24.06.2018 | 15:45
Հեռուստաընկերություններին կոչով է դիմել Արայիկ Հարությունյանը
24.06.2018 | 14:27
«Բաքուն աշխուժացրել է ապատեղակատվական արտադրությունների թափը». Շահան Գանտահարյան
24.06.2018 | 14:12
Վանաձոր-Ալավերդի-Վրաստան ճանապարհը բաց է միայն թեթև մարդատար մեքենաների համար
24.06.2018 | 13:25
Պատգամավորներն ինքնասպանության փորձ են կանխել
24.06.2018 | 13:00
Թուրքիայում այսօր նախագահ են ընտրում
24.06.2018 | 12:30
«Նոր իշխանության ներկայացուցիչները պետք է գիտակցեն, որ վաղը իրենք էլ են փաստաբանների կարիք ունենալու». Արա Զոհրաբյան
24.06.2018 | 11:48
Ամերիկյան արտադրության ուղղաթիռների հայտնվելն Ադրբեջանում մտահոգել է ԱԺ փոխնախագահին
24.06.2018 | 11:00
Արտոնություն՝ ՀՀ քաղաքացիության տրամադրման կարգում
23.06.2018 | 16:58
Զինծառայողի մահվան գործով ձերբակալվել է վաշտի փոխհրամանատարը
Բոլորը

Երեկ կայացավ Հայաստանի շախմատի ակումբային առաջնության 6-րդ տուրը: Տուրի կենտրոնական մրցախաղում միմյանց դեմ մրցում էին «Chessify» ակումբը և Գրոսմայստերական դպրոցի թիմը:

Առաջին խաղատախտակի վրա «Chessify»-ի կազմում հանդես եկող Հայաստանի չեմպիոն Հայկ Մարտիրոսյանը սպիտակ խաղաքարերով հաղթանակ տոնեց Արման Փաշիկյանի նկատմամբ: Երկրորդում կարճատև  պայքարից հաշտություն կնքեցին Մանուէլ Պետրոսյանը և Զավեն Անդրիասյանը: 3-րդ խաղատախտակում  հաջողության հասավ «Chessify»-ը՝ Սամվել Տեր-Սահակյանը գեղեցիկ հաղթանակ տոնեց Տիգրան Հարությունյանի նկատմամբ: 4-րդ խաղատախտակում կրկին հաղթեց «Chessify»-ը՝ Կարեն Գրիգորյանը երկարատև և սուր պայքարում ընթացած պարտիայում հաղթեց Շանթ Սարգսյանին: 5-րդում Հովհաննես Գաբուզյանը ոչ-ոքի խաղաց Արթուր Դավթյանի հետ: 6-րդ խաղատախտակի վրա միմյանց էին հանդիպել մեր երկու պատանի և խոստումնալից շախմատիստները՝ «Chessify» -ի կազմւոմ հանդես եկող Հայաստանի կանանց հավաքականի անդամ Աննա Սարգսյանը և Գրոսմայստերական դպրոցը ներկայացնող Մամիկոն Ղարիբյանը, ով վերջերս հաղթող էր դարձել Հայաստանի տարածաշրջանային առաջնությունում: Պարտիայում ուժեղ գտնվեց Ղարիբյանը: Արդյունքում մրցախաղում «Chessify»-ը հաղթեց 4-2 հաշվով:

Հենրիկ Գասպարյանի անվան շախմատի Օլիմպիական մարզադպրոցի առաջին թիմը 5-1 հաշվով վստահ հաղթանակ տոնեց Հայաստանի շախմատի ակադեմիայի թիմի նկատմամբ, «Էջմիածին Լոգիկոն»-ը 4.5-1.5 հաշվով հաղթեց Հենրիկ Գասպարյանի անվան շախմատի Օլիմպիական մարզադպրոցի երկրորդ թիմին, իսկ Քանաոեռ-Զեյթունի թիմը 4-2 հաշվով հաղթեց «Երևան» ակումբին: Նշենք, որ «Երևան»-ի կազմում հանդես եկող Հովհաննես Հակոբյանը չէր ներկայացել պարտիային:

Վերջին տուրից առաջ «Chessify» ակումբը վաստակել է 12 միավոր և գլխավորում է աղյուսակը: Երկրորդ հորիզոնականում է ընթանում 10 միավոր վաստակած Հենրիկ Գասպարյանի անվան շախմատի Օլիմպիական մարզադպրոցի առաջին թիմը: Համաձայն վիճակահանություն՝ այս երկու ակումբները վերջին տուրում մրցելու միմյանց դեմ: Չեմպիոն դառնալու համար Հենրիկ Գասպարյանի անվան շախմատի Օլիմպիական մարզադպրոցի առաջին թիմը պետք է հաղթի առնվազն 5-1 հաշվով, ինչը շատ բարդ խնդիր:

Մեդալների համար պայքարի մեջ են նաև «Էջմիածին Լոգիկոն» ակումբը և Գրոսմայտերական դպրոցի թիմերը:

Վերջին տուրի պարտիաները կմեկնարկեն Երևանի ժամանակով 14.00-ին: