07.06.2026 | 09:36
Վաղարշապատի ընտրատեղամասում քվեարկում են նաև զինծառայողները
Մակրոնը Ելիսեյան պալատում ընդունել է հայազգի և հայանպաստ գործունեություն ծավալող գործիչների
Քաղաքականություն
24.01.2023 | 13:39
Ֆրանսիայի նախագահ Էմանուել Մակրոնը հունվարի 23-ին Ելիսեյան պալատում ընդունել է ՖԻՖԱ-ի հիմնադրամի գործադիր տնօրեն Յուրի Ջորկաեֆին, Ֆրանսիական «Le Figaro» պարբերականի փոխտնօրեն Ժան-Քրիստոֆ Բուիսոնին, գրող Սիլվեն Թեսոնին, Պասկալ Բրուկներին, Օլիվյե Վեբերին։ Այս մասին թվիթերի իր էջում գրառում է կատարել Ջորկաեֆը՝ նշելով, որ նախագահի հետ հանդիպել են «Հայաստանին նվիրված անհատականություններ»։
Ֆրանսիայի հայկական կազմակերպությունների համակարգող խորհրդի մամուլի ծառայության տարածած հաղորդագրությունից տեղեկանում ենք, որ նախագահ Մակրոնը հանդիպել է նաև Ֆրանսիայի հայկական կազմակերպությունները համակարգող խորհրդի համանախագահներ Արա Թորանյանին և Մուրադ Փափազյանին:
Նշվում է, որ քննարկվել են 2022 թվականի դեկտեմբերի 12-ից Լաչինի միջանցքի փակման հետևանքով Արցախում ստեղծված իրավիճակը: Անդրադարձ է կատարվել նաև Հայաստանի տարածքային ամբողջականությանը սպառնացող սպառնալիքներին։
Հանդիպման մասնակիցները ողջունել են Ֆրանսիայի նախագահի կողմից իրենց ցուցաբերած ուշադրությունը և հույս հայտնել, որ Ֆրանսիան առավել կակտիվացնի դերակատարումը Լեռնային Ղարաբաղի բնակչության պաշտպանության գործում:
