16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Շնորհակալություն ենք հայտնում Ֆրանսիային գործադրած ջանքերի համար․ ՀՀ դեսպանը՝ Հայաստան ԵՄ նոր առաքելություն ուղարկելու մասին
Քաղաքականություն
24.01.2023 | 13:13
Մենք շնորհակալություն ենք հայտնում Ֆրանսիային՝ Հայաստան ԵՄ մշտական քաղաքացիական առաքելություն ուղարկելու որոշման հարցում նշանակալի ջանքեր գործադրելու համար․թվիթերի իր էջում գրել է Ֆրանսիայում ՀՀ դեսպան Հասմիկ Տոլմաջյանը։
«Մենք ուրախ ենք, որ Ֆրանսիան կմասնակցի ԵՄ-ի այս առաքելությանը՝ Հարավային Կովկասում խաղաղությանը, կայունությանը և անվտանգությանը նպաստելու նպատակով»,- գրել է դեսպանը։
Նշենք, որ մինչ այդ Ֆրանսիայի արտաքին քաղաքական գերատեսչության ղեկավար Կատրին Կոլոնան սոցցանցի իր էջում գրել էր․«Հայաստան, Ադրբեջան․ այս որոշումը շատ կարևոր է, և Ֆրանսիան հաճույքով կմասնակցի եվրոպական այս առաքելությանը»։
Հիշեցնենք, որ Եվրոպական խորհուրդը երեկ համաձայնություն է ձեռք բերել Հայաստանում ԵՄ քաղաքացիական առաքելություն հիմնելու հարցում՝ Համընդհանուր անվտանգության և պաշտպանական քաղաքականության (CSDP) շրջանակում: Առաքելության նպատակն է՝ նպաստել Հայաստանի սահմանամերձ շրջաններում կայունությանը, տեղում վստահության ձևավորմանը և ԵՄ-ի կողմից աջակցվող Հայաստանի և Ադրբեջանի միջև հարաբերությունների կարգավորման ջանքերին նպաստող միջավայրի ապահովմանը։
Անահիտ Խաչատրյան
