25.06.2026 | 14:41
Կարմիր լույսի տակ չեմ կանգնելու, անվտանգային նկատառում կա. Փաշինյան․ ՏԵՍԱՆՅՈՒԹ
ԲԴԽ-ի որոշմամբ՝ կոռուպցիոն գործերով մինչդատական վարույթի դատական երաշխիքների վարույթները և բողոքներն այսուհետ քննելու են հակակոռուպցիոն դատարանի դատավորները
Հասարակություն
24.01.2023 | 10:46
Հակակոռուպցիոն դատարանին ընդդատյա (այդ դատարանի կողմից քննության ենթակա) կոռուպցիոն հանցանքների վերաբերյալ մինչդատական վարույթի դատական երաշխիքների վարույթները և բողոքներն այժմ բաշխվում են հակակոռուպցիոն դատարանի կոռուպցիոն հանցագործությունների քննության գործերով մասնագիտացման դատավորների միջև։ Այս մասին հակակոռուպցիոն ոլորտում կատարվող աշխատանքների վերաբերյալ սեմինարի ընթացքում ասաց Դատական դեպարտամենտի դատավորի նկատմամբ վարույթներին առնչվող հարցերի բաժնի պետ Մակար Կիրակոսյանը։
Նշենք, որ «մինչդատական վարույթի դատական երաշխիքների վարույթ» ասելով՝ օրենսդիրը նկատի ունի, օրինակ, անձի նկատմամբ կալանավորումը որպես խափանման միջոց ընտրելու միջնորդությունները, նախաքննության ընթացքում քննիչի որոշման դեմ բողոքները։
Բարձրագույն դատական խորհրդի այս որոշումն ուժի մեջ է մտել 2022-ի տարեվերջին Դատական օրենսգրքում կատարված փոփոխությունների ուժի մեջ մտնելուց հետո՝ հունվարի 7-ին։
Այս փոփոխությունների ուժով՝ բուն քրեական գործեր քննող դատավորները ևս հունվարի 7-ից սկսել են քննել մինչդատական վարույթի դատական երաշխիքների գործեր։
ԲԴԽ որոշման համաձայն հունվարի 7-ից Վերաքննիչ հակակոռուպցիոն դատարանի գործերը, հակակոռուպցիոն դատարանին ընդդատյա կոռուպցիոն հանցանքների վերաբերյալ մինչդատական վարույթի դատական երաշխիքների վարույթների և բողոքների վերաբերյալ կայացված դատական ակտերի դեմ բողոքները բաշխվում են Վերաքննիչ քրեական դատարանում կոռուպցիոն հանցագործությունների գործերով բողոքարկման ենթակա դատական ակտերի վերանայումն իրականացնող առանձին դատավոր նշանակված դատավորների միջև:
ԲԴԽ-ն նաև ընտրել է օպերատիվ հետախուզական միջոցառումներ իրականացնելու մասին միջնորդություններ քննող դատավորներ։ Ըստ այդմ՝ այսպիսի միջնորդություններ կքննել Մնացական Մարտիրոսյանն ու Արթուր Մկրտչյանը։
Արաքս Մամուլյան
