08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Շվեդիայում Ղուրան են այրել. էրդողանը սպառնացել է չհաստատել ՆԱՏՕ-ին Շվեդիայի անդամակցության հայտը
Քաղաքականություն
24.01.2023 | 11:55
Թուրքիայի նախագահ Ռեջեփ Թայիփ Էրդողանը հայտարարել է, որ Շվեդիան չպետք է սպասի, որ Թուրքիան հավանություն կտա նրա անդամակցությանը ՆԱՏՕ-ին։ Էրդողանն այս հայտարարությունը հնչել է այն բանից հետո, երբ դանիացի աջ քաղաքական գործիչներից մեկը Ստոկհոլմում Թուրքիայի դեսպանատան մոտ բողոքի ցույց է կազմակերպել և այրել Ղուրանը, գրում է BBC-ի ռուսական ծառայությունը:
«Միանգամայն ակնհայտ է, որ նրանք, ովքեր նման խայտառակություն են սարքել մեր երկրի դեսպանատան առջև, այլևս չեն կարող հույս դնել իրենց դիմումի հարցում մեր երկրի բարեհաճությանը»,- ասել է Թուրքիայի նախագահը:
Հիշեցնենք՝ Ուկրաինայի վրա Ռուսաստանի հարձակումից հետո Շվեդիան և Ֆինլանդիան դիմել են ՆԱՏՕ-ին անդամակցելու համար, սակայն Թուրքիան, որպես դաշինքի անդամ, կարող է արգելափակել անդամակցությունը։ Անկարան դեռ չի վավերացրել համապատասխան փաստաթղթերը և Ստոկհոլմից պահանջում է արտահանձնել Անկարայում ահաբեկիչներ համարվող ավելի քան 70 մարդու՝ հիմնականում քրդերի։
Ավելի վաղ Թուրքիան չեղարկել էր Շվեդիայի պաշտպանության նախարար Փոլ Յունսոնի այցը Անկարա, որը նախատեսված է հաջորդ շաբաթ։ Թուրքիայի պաշտպանության նախարար Հուլուսի Աքարը հայտարարել է, որ այցը կորցրել է իր իմաստը։
Տաթև Ֆռանգյան
