16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Դուք ԵՄ-ի հսկայական գումարները տվել եք ամենամեծ կոռուպցիոներների ձեռքը և ասել՝ պայքարեք ինքներդ ձեր դեմ․ պատգամավորը՝ դեսպանին․ ՏԵՍԱՆՅՈՒԹ
Քաղաքականություն
14.06.2018 | 12:30
«Արևելյան Գործընկերության ապագան ալեկոծ ժամանակներում» թեմայով քննարկման ժամանակ ԱԺ «Ծառուկյան» խմբակցության պատգամավոր Նաիրա Զոհրաբյանը նշեց, որ ալեկոծությունը շատ ճիշտ է բնորոշում Հայաստանում կատարվող զարգացումները։
Անդրադառնալով Արևելյան գործընկերության շրջանակում ՀՀ-ի մասնակցության ձևաչափին՝ նշեց, որ Հայաստանի հետ այդ գործընկերությունը պետք է այլ որակի հարաբերություններ կառուցի: «Այո՛, մենք տարբեր ենք, մենք ուրիշ ենք և մենք կարող ենք, մեր հավակնությունները Եվրոպական միությունից մեծ են, և պետք է դրանց հետ հաշվի նստել»,- ասաց պատգամավորը։
Խոսելով ՀՀ-ի առաջ ծառացած մարտահրավերների մասին՝ Նաիրա Զոհրաբյանն առանձնացրեց կոռուպցիան: «Դուք, հարգարժան դեսպան, երբ հսկայական գումարներ եք ուղղել իբրև կոռուպցայի դեմ պայքարելու համար, դուք այդ գումարները տվել եք ամենամեծ կոռուպցիոներների ձեռքը և ասել եք՝ պայքարեք ինքներդ ձեր դեմ»,- ընդգծեց պատգամավորը՝ նշելով, որ Եվրամիությունից ՀՀ-ին տրամադրված միջոցների և դրանց բաշխման ուղղություների շուրջ վերանայումներ են անհրաժեշտ։
Պատգամավորը խոսեց նաև վիզաների ազատականացման խնդրի մասին և հույս հայտնեց, որ այս հարցը շատ կարևոր կոմպոնենտ է լինելու ՀՀ-ԵՄ հարաբերությունների զարգացման և ճիշտ աշխատանքի համար։
Մանրամասները՝ տեսանյութում։
