07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Փաստաբանը միջնորդեց ազատ արձակել «Սասնա ծռեր» խմբի անդամ Արթուր Մելքոնյանին
Հասարակություն
14.06.2018 | 11:52
Այսօր Երևանի ընդհանուր իրավասության դատարանի Ավանի նստավայրում դատավոր Արտուշ Գաբրիելյանի նախագահությամբ կայացավ «Սասնա ծռեր» խմբի գործով դատական նիստը:
Նիստի մեկնարկին փաստաբան Մուշեղ Շուշանյանը միջնորդեց, որպեսզի իր պաշտպանյալ Արթուր Մելքոնյանի կալանքը՝ որպես խափանման միջոց, փոխվի ստորագրությամբ չհեռանալու մասին:
Շուշանյանը նշեց, որ Մելքոնյանն իր խնամքին ունի երեք անչափահաս երեխա, նրա ընտանիքն ապրում է մոր ստացած թոշակով: Մյուս փաստաբանները ևս միացան այս միջնորդությանը: Դատավոր Արտուշ Գաբրիելյանը ամբաստանյալից հետաքրքրվեց` կարոտել է իր երեխաներին ու նաև փորձեց ճշտել, թե ինչպես է նիստրին ապահովվելու նրա ներկայացվածությունը, եթե նա ապրում է Սպիտակում:
Փաստաբանը պատասխանեց` նիստից մեկ օր առաջ Երևան գալով: Դատարանը հետացավ որոշում կայացնելու, որը կհրապարակվի մեկ ժամից: Հիշեցնենք, որ Արթուր Մելքոնյանին մեղադրանք է առաջադրվել ՀՀ քրեական օրենսգրքի 218 հոդվածի 3-րդ մասի 1-ին կետով և 235 հոդվածի 3-րդ մասով:
