Բանակի գլխատում են ուզում հրաժարական պահանջողները․ պատերազմի մեջ ենք՝ կորպուսն անտեր էր մնացել․ Գագիկ Մելքոնյան․ ՏԵՍԱՆՅՈՒԹ

Factor TV-ի հարցազրույցը ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանի հետ

-Ազատ գյուղի զինվորական կացարանում 15 զինծառայողի մահվան դեպքից հետո հանրության մի մասը սպասում էր, որ պաշտպանության նախարարը, ԳՇ պետի տեղակալը հրաժարական կներկայացնեին։ Ինչո՞ւ նրանք հրաժարական չտվեցին։

-Նախ՝ ցավակցում եմ մեր զոհվածների հարազատներին, իսկ վիրավորներին մաղթում շուտափույթ ապաքինում։ Հրաժարականների հետ կապված՝ ծառայությունից ազատվել են շատ մարդիկ, որոնք չպետք է ազատվեին։ Շատ խիստ է այս մոտեցումը։

–Հասարակությունն ավելի խիստ մոտեցում էր պահանջում, որ հեռանային ԳՇ պետը, պաշտպանության նախարարը։

-Դե տեսեք՝ այդպես մտածողներն ուզում են գլխատել ամբողջ պաշտպանությունը։ Ես կարծում եմ, որ շատ մարդ է ազատվել իր ծառայողական պարտականությունները կատարելուց, և կորպուսը մնացել է, այսպես ասած, անտեր։ Կարելի էր մեկին ազատել, մյուսներին ծառայողական քննությունից հետո կա՛մ ազատեին, կա՛մ դատապարտեին, ովքեր մեղքի բաժին ունեին։ Մինչև քննությունը չավարտվի, պատժվողներ էլի կլինեն, բայց, իմ կարծիքով, չէր կարելի կորպուսի ամբողջ հրամանատարությանն ազատել։ Մենք պատերազմական վիճակի մեջ ենք, բայց այդ կորպուսը գլխատեցինք։

-Պարո՛ն Մելքոնյան, Ազատ գյուղում եղել է մոդուլային տնակ, բայց չի՞ օգտագործվել։

-Այդ տնակից եղել է, ես տեսել եմ։

-Դուք չհետաքրքրվեցի՞ք՝ ինչու չի օգտագործվում դա։

-Հետաքրքրվել եմ, ասում են՝ «այնտեղ ավելի տաք է, տաքությունը կարելի է ապահովել»։

-Այսինքն՝ անպետք ի՞ր են գնել։

-Չէ, շատ նորմալ տնակներ են։

Հարցազրույցն ամբողջությամբ՝ տեսանյութում։

Ռոբերտ Անանյան