16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ռուսաստանում մոբիլիզացիայի մասին հրամանագիրը դեռ ուժի մեջ է. Պեսկով
Քաղաքականություն
23.01.2023 | 19:11
Սեպտեմբերի 21-ին ՌԴ նախագահ Վլադիմիր Պուտինի ստորագրած մասնակի զորահավաքի մասին հրամանագիրը դեռ ուժի մեջ է։ Այս մասին հայտնել է մամուլի քարտուղար Դմիտրի Պեսկովը, փոխանցում է BBC-ի ռուսական ծառայությունը։
«Բացի քաղաքացիների զինվորական ծառայության զորակոչից՝ մասնակի մոբիլիզացիան ներառում է նաև այլ միջոցառումներ, որոնք անհրաժեշտ են զինված ուժերի առաջադրանքների կատարման համար։ Դա կապված է զինծառայողների պարտականությունների կատարման հետ և այլն։ Այս մասով շարունակվում է աշխատանքը»,- ասել է Պեսկովը։
Բուն զորակոչը, ըստ Պեսկովի, իրականացվել է «մինչև սահմանված թվին հասնելը»։
«Մասնակի մոբիլիզացիայի շրջանակում զորակոչն իրականացվել է մինչև զինված ուժերի կողմից առաջադրանքների կատարման համար անհրաժեշտ թվաքանակի հասնելը։ ՊՆ-ն հայտնել է, որ սահմանված թվին հասել է, հետևաբար՝ քաղաքացիների զորակոչը մասնակի մոբիլիզացիայի շրջանակում դադարեցվել, ավարտվել է»,- հավելել է Պեսկովը։
Հրամանագրի բաց հատվածում զորակոչվածների թիվն ընդհանրապես չի նշվել, մեկ կետ փակ է եղել, 300 հազար թվի մասին հայտնել է ՌԴ պաշտպանության նախարարը։ Մոբիլիզացիայի երկրորդ ալիքը դեռ չի սկսվել, այն դեռ սպասվում է Ռուսաստանում՝ չնայած այն հանգամանքին, որ պաշտոնապես իշխանություններն այդ մասին բոլոր խոսակցություններն «ասեկոսե» են անվանում։
Տաթև Ֆռանգյան
