24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Լեհաստանը պաշտոնապես դիմել է Բեռլինին՝ հավանություն ստանալու Ուկրաինային Leopard-2 տանկերի մատակարարման համար, սակայն կգործի իր հայեցողությամբ
Քաղաքականություն
23.01.2023 | 21:24
Լեհաստանը պաշտոնական դիմում է ներկայացրել Գերմանիային, որով Բեռլինին խնդրում է հաստատել երկրի տրամադրության տակ գտնվող Leopard-2 տանկերի փոխանցումը Ուկրաինային, գրում է BBC-ի ռուսական ծառայությունը։
Վարշավան վաղուց է խնդրում Բեռլինին համաձայնությունն այս հարցում՝ ինչպես պահանջում են ՆԱՏՕ-ի կանոնները, քանի որ Leopard-2 տանկերի արտադրողը Գերմանիան է։
Լեհաստանի իշխանությունները և դաշինքի մյուս անդամները հույս ունեին, որ խնդիրը կլուծվի անցած ուրբաթ Ռամշտայնի կոնտակտային խմբի հանդիպման ժամանակ։ Բայց Բեռլինը կրկին դրական պատասխան չի տվել։
Չնայած սա Վարշավայի առաջին պաշտոնական դիմումն է, այն ունի խորհրդանշանական նշանակություն։ Երկրի վարչապետ Մատեուշ Մորավեցկին հայտարարել է, որ Վարշավան կարող է վարվել ըստ իր հայեցողության՝ Գերմանիայի ցանկացած պատասխանի դեպքում։ Մորավեցկին նաև հայտնել է, որ Լեհաստանը մտադիր է ՆԱՏՕ-ի երկրների կոալիցիա հավաքել, որոնք նույնպես ունեն Leopard-2 տանկեր և պատրաստ են դրանք փոխանցել Ուկրաինային՝ առանց Բեռլինի հավանության։
Էմմա Չոբանյան
