15.01.2025 | 14:11
36-ամյա տղամարդը դանակով հարվածել է հարևանին
Պուտինի՝ Վալդայում գտնվող նստավայրից 6 կմ հեռավորությամբ «Պանցիր Ս-1» համակարգ է տեղակայվել
Քաղաքականություն
23.01.2023 | 14:02
ՌԴ Նովոգորոդսկի շրջանի Յաշչերովո գյուղում նախագահ Վլադիմիր Պուտինի նստավայրից 6 կմ հեռավորության վրա, հավանաբար, «Պանցիր Ս-1» զենիթահրթիռաթնդանոթային համակարգ է տեղակայվել։ Այս մասին հայտնում է «Ագենստվո»-ն՝ վկայակոչելով Վալդայի բնակիչներից մեկի տրամադրած լուսանկարը, գրում է Meduza-ն։
Ըստ լուսանկարի հեղինակի՝ հակաօդային պաշտպանության համակարգի հաշվարկը տեղադրվել է մի քանի շաբաթ առաջ։ Յաշչերովոյի և հարակից գյուղերի այլ բնակիչներ լրատվամիջոցին հաստատել են, որ գյուղում հակաօդային պաշտպանության համակարգ է տեղադրվել։
Զրուցակիցներից մեկն էլ ասել է, որ համակարգի մոտ մարտական հերթապահություն է իրականացվում․ այնտեղ մշտապես առնվազն երեք զինվորական կա, իսկ ռադիոտեղորոշիչ կայանի ալեհավաքը պտտվում է։
Նշվում է, որ Յաշչերովոյի մերձակայքում չկան կարևոր ենթակառուցվածքներ, ռազմավարական օբյեկտներ, խոշոր ձեռնարկություններ կամ ռազմական տեխնիկայի և անձնակազմի մեծ կուտակումներ։
ՌԴ ՊՆ-ն կամ Կրեմլը դեռևս չեն մեկնաբանել Վալդայում ՌԴ նախագահի նստավայրի մոտ ՀՕՊ համակարգերի մասին տեղեկատվությունը։
Հավելենք, որ անցյալ շաբաթ էլ համացանցում հրապարակվել էին հակաօդային պաշտպանության համակարգերի տեսանյութեր և լուսանկարներ, որոնք հայտնվել են Մոսկվայի կենտրոնում, մասնավորապես՝ ՌԴ ՊՆ շենքի վրա։
Էմմա Չոբանյան
