15.12.2024 | 15:19
Հայաստանում սպասվում է փոփոխական եղանակ, լեռնային շրջաններում՝ ձյուն և բուք
Տոյվո Կլաարն առաջիկայում կայցելի նաև Ադրբեջան
Քաղաքականություն
23.01.2023 | 12:17
Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարն առաջիկայում այցելելու է Ադրբեջան։ Այս մասին ադրբեջանական Ապա գործակալությանը հայտնել են Կլաարի գրասենյակից։
«Առաջիկայում սպասվում է ԵՄ հատուկ ներկայացուցիչ Տոյվո Կլաարի այցը Ադրբեջան, սակայն այցի ստույգ ամսաթիվը դեռ որոշված չէ»,-ասվում է հաղորդագրության մեջ։ Հավելենք, որ Կլաարն այժմ գտվում է Հայաստանում։
«Մեկ օրով վերադառնում եմ Երևան՝ հանդիպումների։ Լաչինի միջանցքի շուրջ իրավիճակը լուրջ է, և անհրաժեշտ է շտապ լուծումներ գտնել։ Անհամբեր սպասում եմ քննարկումներին ՝ ուսումնասիրելու առաջ շարժվելու ուղիները: Եվրամիության նպատակը մնում է հայ-ադրբեջանական համապարփակ կարգավորումը»,-Երևանյան այցի մասին Կլաարը գրել էր թվիթերյան իր էջում։
Էմմա Չոբանյան
