08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Հրաձգություն Լոս Անջելեսի մերձակայքում գտնվող Մոնտերեյ զբոսայգում
Քաղաքականություն
23.01.2023 | 11:42
ԱՄՆ Կալիֆոռնիա նահանգում, Լոս Անջելեսից ոչ հեռու գտնվող Մոնթերեյ զբոսայգում տեղի ունեցած հրաձգության հետևանքով տասը մարդ է զոհվել։ Հանցագործության մեջ կասկածվողը դեպքի վայրից դիմել է փախուստի, այնուհետ՝ ինքնասպան եղել, գրում է BBC-ի ռուսական ծառայությունը։ Կասկածյալի դին հայտնաբերվել է ավտոմեքենայում, որը ոստիկանությունը շրջափակել էր մոտակա Ալհամբրա քաղաքում:
Լոս Անջելեսի շրջանի շերիֆ Ռոբերտ Լունան լրագրողներին ասել է, որ շրջապատված մեքենայից ոստիկանները կրակոց են լսել: Մեկուկես ժամ անց որոշել են մոտենալ և հայտնաբերել են կասկածյալի՝ 72-ամյա Հու Ցան Տրանի դին հրազենային վնասվածքով։
Լոս Անջելեսում Չինաստանի Առևտրի պալատի ղեկավար Չեսթեր Չոնգը տեղական հեռուստատեսության եթերում ասել է, որ, իր կարծիքով, հանցագործության համար խթան է հանդիսացել չինական ծագում ունեցող տղամարդու վեճը իր կնոջ հետ։ Կրակոցների հետևանքով ևս 10 մարդ վիրավորվել է․ նրանց վիճակը գնահատվում է կայուն ծանր։
Տաթև Ֆռանգյան
