05.08.2026 | 20:23
Կառավարությունը Նիկոլայ Ծատուրյանի մահարձանի և գերեզմանի բարեկարգման համար կհատկացնի ավելի քան 2 մլն դրամ
Հունվարի 23-ին Արարատ Միրզոյանը կհանդիպի ՆԱՏՕ-ի գլխավոր քարտուղար Յենս Ստոլտենբերգի հետ
Քաղաքականություն
21.01.2023 | 14:00
ՆԱՏՕ-ի՝ Հյուսիսատլանտյան դաշինքի կազմակերպության մամուլի խոսնակ Օանա Լունգեսկուն թվիթերյան գրառմամբ տեղեկացրել է, որ ՆԱՏՕ-ի գլխավոր քարտուղար Յենս Ստոլտենբերգը հունվարի 23-ին կհանդիպի ՀՀ ԱԳ նախարար Արարատ Միրզոյանի հետ։
Ֆրանսիական «Le Figaro» պարբերականի փոխտնօրեն Ժան-Քրիստոֆ Բուիսոնը թվիթերի իր էջում անդրադարձել է սպասվելիք հանդիպմանը ու նշել, որ հանդիպումը գուցե կարմիր գիծ դիտվի ՌԴ-ի կողմից, սակայն հույսի շող կլինի շրջափակման մեջ գտնվող արցախահայերի համար։
«Երկուշաբթի՝ հունվարի 23-ին, Հայաստանի արտաքին գործերի նախարարը հանդիպում կունենա ՆԱՏՕ-ի գլխավոր քարտուղար Յենս Ստոլտենբերգի հետ։ Ռուսները կարմիր գիծ կտեսնեն, իսկ ադրբեջանցիների անմարդկային շրջափակման զոհ դարձած Արցախի հայերը՝ հույսի շող»։
Անահիտ Խաչատրյան
