16.11.2024 | 17:29
Պուտինի և Շոլցի հեռախոսազրույցը տևել է մեկ ժամ
Իշխանությո՛ւնն է պատասխանատուն․ ՊՆ ղեկավարը և ԳՇ պետը կհեռանայի՛ն նորմալ երկրում․ Էդգար Խաչատրյան․ ՏԵՍԱՆՅՈՒԹ
Քաղաքականություն
20.01.2023 | 21:17
Ըստ իրավապաշտպան Էդգար Խաչատրյանի՝ ողբերգական հետևանքների՝ 15 զինծառայողի մահվան, 3-ի ծանր վնասվածքների հանգեցրած հրդեհի փաստը նաև քաղհասարակության ներկայացուցիչների մեղավորությունն է։
«Մենք չկարողացանք հասնել փոփոխությունների Զինված ուժերի ոլորտում։ Չնայած մեր հետևողական աշխատանքին, կարծում եմ՝ մենք որևէ արդյունքի չհասանք, ինչն ինձ շատ մտահոգում է, որ չկարողացանք արդյունքի հասնել մեր պայքարում»,- Factor TV-ին տված հարցազրույցում ասում է «Խաղաղության երկխոսություն» ՀԿ ղեկավարը։
Նիկոլ Փաշինյանի որոշմամբ և նախագահի հրամանով՝ աշխատանքից ազատվել են բարձրաստիճան զինվորականներ՝ 2-րդ բանակային կորպուսի հրամանատարը, շտաբի պետ՝ կորպուսի հրամանատարի տեղակալը, թիկունքի պետ՝ կորպուսի հրամանատարի տեղակալը, Մարտական հերթապահության գծով կորպուսի հրամանատարի տեղակալը, N զորամասի ինժեներական ծառայության պետ, N զորամասի ինժեներասակրավորային վաշտի հրամանատաը, Զինված ուժերի թիկունքի վարչության հրդեհային անվտանգության ծառայության պետը։
Իրավապաշտանը բավարար չի համարում բարձրաստիճան զինվորականներին լոկ աշխատանքից հեռացնելը։
«Իհարկե, իշխանությունների ամբողջ պատասխանատվության ներքո է գտնվում այս իրականությունը, ամբողջ կոմպլեքսի մեջ՝ սկսած նրանից, թե ինչպես է ընթանալու քննությունը, ինչպես են ազդեցություն ունենում վարչապետը և գլխավոր դատախազը քննության ընթացքի վրա, ինչպիսի պայմաններում են ծառայել մեր զինծառայողները։ Այսինքն՝ այս ամբողջ կոմպլեքսի մասին է խոսքը։ Այս տրամաբանության ներքո՝ ես չեմ պատկերացնում մի ժողովրդավարական և նորմալ երկիր, որտեղ ԳՇ պետը և պաշտպանության նախարարը կշարունակեին պաշտոնավարել»,- ասաց իրավապաշտպանը։
Հարցազրույցն ամբողջությամբ՝ տեսանյութում։
Ռոբերտ Անանյան
