04.06.2026 | 10:20
Խուզարկություններ՝ 50-ից ավելի հասցեներում
ԵՄ-ն հունվարի 23-ին կդիտարկի Հայաստան նոր առաքելություն ուղարկելու հարցը
Քաղաքականություն
20.01.2023 | 18:52
Հունվարի 23-ին Բրյուսելում նախանշված է ԵՄ Արտաքին հարաբերությունների խորհրդի նիստը, որը նախագահելու է Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը։
Եվրոպական խորհրդի պաշտոնական կայքից տեղեկանում ենք, որ ի թիվս այլ հարցերի՝ քննարկվելու է նաև Հայաստան նոր առաքելություն ուղարկելու թեման, որը պետք է նպաստի տարածաշրջանում իրավիճակի կարգավորմանը։
«Ակնկալվում է, որ նախարարները որոշում կկայացնեն տարածաշրջանում կայունությանը նպաստելու համար առաքելություն ստեղծելու մասին»,- հայտնել է ԵՄ բարձրաստիճան պաշտոնյաներից մեկը։
Դիվանագետի խոսքով՝ ԵՄ-ն մտահոգությամբ է հետևում Լաչինի միջանցքի շուրջ տեղի ունեցող իրադարձություններին և ջանքեր է գործադրում իրավիճակը կարգավորելու համար։
Տեղեկացվում է, որ Խորհուրդը կարծիքներ կփոխանակի Ուկրաինայի դեմ ռուսական ագրեսիայի վերաբերյալ։ Կդիտարկվեն նաև Իրանում, Աֆղանստանում, Վենեսուելայում, Մոնտենեգրոյում ու Եթովպիայում տեղի ունեցող իրադարձությունները:
Տաթև Ֆռանգյան
