09.10.2026 | 11:05
COP17-ին ընդառաջ Կառավարությունը ԱԺ-ում օրենքի նախագիծը ներկայացնելու պատասխանատու է նշանակել
Սուրեն Պապիկյանը դեպքից հետո չի այցելել ոչ այրված զորանոց, ոչ վիրավորներին
20.01.2023 | 17:28
Արդեն երկրորդ աշխատանքային օրն ավարտվում է, սակայն ՊՆ նախարար Սուրեն Պապիկյանը չի այցելել 15 զինվորի մահվան պատճառ դարձած հրդեհի վայր, ինչպես նաև չի տեսակցել զորանոցում բռնկված հրդեհի հետևանքով վիրավորված զինծառայողներին։ Factor.am-ը այս առնչությամբ պարզաբանում էր խնդրել Պաշտպանության նախարարության մամուլի խոսնակ Արամ Թորոսյանից։
«Պաշտպանության նախարարի՝ դեպքի վայր այցելության, ինչպես նաև վիրավոր զինծառայողների տեսակցության պարագայում ՊՆ-ն հաղորդագրություն կտարածի»,-ասաց ռազմական գերատեսչության խոսնակը։
Հիշեցնենք՝ հունվարի 19-ին՝ ժամը 01:30-ի սահմաններում հրդեհ է բռնկվել Գեղարքունիքի մարզի Ազատ համայնքում տեղակայված զորանոցում, որի հետևանքով մահացել է 15 ժամկետային զինծառայող, 3 զինծառայող էլ վիրավորվել է։
Դեպքից շուրջ երկու օր անց Սուրեն Պապիկյանի՝ զորանոցի տարածք և վիրավորներին չայցելելը, ինչպես նաև զոհերի հարազատներին ուղղված ցավակցության և զորակցության որևէ խոսք չասելը քննադատությունների առիթ է տվել։
Նարեկ Կիրակոսյան
