16.09.2026 | 11:22
«Արարատ-Արմենիան» մեկնարկում է Եվրոպա լիգայի հիմնական փուլում
Օհանյանին անձեռնմխելիությունից կարող են զրկել, նոր մանրամասներ 15 զինվորի կյանք խլած հրդեհից․ Լուրեր
20.01.2023 | 13:50
- Քննչական կոմիտեն մանրամասներ է հայտնել 15 զինծառայողի մահվան պատճառ դարձած հրդեհի մասին։ Մասնավորապես, հաղորդագրության համաձայն՝ հրդեհի համար պատասխանատվությունը, ըստ էության, դրվել է զինծառայողների հետ նույն կացարանում եղած սպայի վրա, որին վերագրվում է վառարանը վառելիս ավտոբենզինի օգտագործումը։ Պարզվել է նաև, որ կացարան ծառայող շինության պատը քանդել է զինծառայողներից մեկը, երբ «Ուրալ» մեքենայով փորձել է անցք բացել դրա մեջ՝ ծառայակիցներին հրդեհված շինությունից դուրս բերելու համար։
- Գլխավոր դատախազ Աննա Վարդապետյանը ԱԺ «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին երեք միջնորդագիր է ներկայացրել ՀՀ Ազգային ժողովի նախագահին։ Երեք գործերն էլ վերաբերում են Օհանյանի՝ նախարար եղած ժամանակահատվածին։
- Վարչապետ Նիկոլ Փաշինյանի որոշումներով Ավագ Ավանեսյանը և Արման Պողոսյանը նշանակվել են ֆինանսների նախարարի տեղակալներ։
Այս ժամի լուրերը՝ տեսանյութում։
