26.07.2026 | 21:42
Համայնքային ոստիկանները ձերբակալել և նախաքննական մարմին են ներկայացրել լուսաձայնային ատրճանակից իր տանն օդ կրակած անձին
ԱԷՄԳ-ի ղեկավարը հայտնել է «իրական միջուկային սպառնալիքի» մասին
Քաղաքականություն
20.01.2023 | 19:28
Ուկրաինայի պատերազմի ֆոնին միջուկային վթարի սպառնալիքը «միանգամայն իրական» է, և այն, որ մինչ այժմ դրանից հաջողվել է խուսափել, չպետք է որևէ մեկին մոլորության մեջ գցի։ Այս մասին հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին՝ ելույթ ունենալով Կիևում, հաղորդում է ՄԱԿ-ի մամուլի ծառայությունը։
«Երբ Ֆուկուսիմայի միջադեպը տեղի ունեցավ, մենք պատասխանատվությունը դրեցինք բնության վրա։ Իսկ հիմա ո՞ւմ ենք մեղադրելու, եթե մի բան լինի։ Անընդհատ ասում եմ, որ ճառագայթային վթարը հետեւանքներ կունենա։ Մենք պետք է ամեն գնով խուսափենք դրանից։ Հուսով եմ, որ իմ նախազգուշացումը կլսվի»,- ընդգծել է ԱԷՄԳ ղեկավարը։
Նա նախկինի պես պնդում է, որ անհրաժեշտ է անվտանգության գոտի ստեղծել Զապորոժիեի՝ Եվրոպայի ամենամեծ ատոմակայանի շուրջ։
«Իրավիճակը ծայրաստիճան անկայուն է։ Ինձ շատ է անհանգստացնում Զապորոժիեի ատոմակայանը, նույնիսկ եթե այդ տարածքում նոր հարձակումներ և ռազմական արշավներ չլինեն, այս կայանը միշտ առաջնագծում է։ Օրինակ՝ այսօր երկու հզոր պայթյուն է եղել, թեև ոչ բուն գործարանում, բայց դրանք մեզ անհանգստություն են պատճառել, մենք անընդհատ կապի մեջ ենք եղել (ԱԷՄԳ-ի անձնակազմի հետ, որը տեղակայված է ԶԱԷԿ-ում)»,- ասել է Գրոսին։
Տաթև Ֆռանգյան
