07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Կտրոններով տրամադրվող սննդամթերքը որ խանութներից կարելի է գնել․ Արցախի ԳԳԱ հիմնադրամը ցանկ է հրապարակել
Տնտեսություն
20.01.2023 | 09:46
Արցախի գյուղի և գյուղատնտեսության աջակցության հիմնադրամը հայտարարություն է տարածել, որով տեղեկացնում է, թե կտրոններով տրամադրվող սննդամթերքը որ խանութներից կարող են գնել։
«Հարգելի հայրենակիցներ ԱՀ ԳԳԱ հիմնադրամը տեղեկացնում է , որ ըստ կտրոնների տրամադրվող ապրանքատեսակները քաղաքացիները կարող են ձեռք բերել հունվարի 20-ից մայրաքաղաքի և շրջանների բոլոր խանութներից։
Տեղեկացնում ենք նաև ,որ նշված ապրանքատեսակները առկա են լինելու նաև բոլոր համայնքների խանութներում և կարիք չկա ,որպեսզի այս կամ այն համայնքի բնակիչները գնումները կատարեն շրջկենտրոնի կամ մայրաքաղաքի խանութներից։
Ավելորդ քաշքշուկից կուտակումներից խուսափելու համար,հաշվի առնելով նաև դիզվառելիքի պակասը ցանկալի է ,որպեսզի համայնքի բնակիչները գնումները կատարեն հենց համայնքում գտնվող խանութներից։
️Խնդրում և հորդորում ենք գնումները կատարել առանց խուճապի և առանց միմյանց համար արհեստական բարդություններ ստեղծելու։
Հավաստիացնում ենք ,որ նշված ապրանքատեսակների քանակը ըստ շնչի տրամադրված կտրոններով ձեռք բերելու դեպքում կբավականացնի բոլորին ,ուստի,խուճապի մատնվելու և անհարկի գնումներ կատարելու կարիք չկա։
Ստորև ներկայացնում ենք մայրաքաղաքում և շրջաններում տրամադրվող ապրանքների ժամանակացույցը»։
