27.06.2026 | 11:42
Ուկրաինան հրթիռային հարված է հասցրել «Օրեշնիկ» արտադրող գործարանին
Բաքուն արձագանքել է Լաչինի միջանցքը բացելու՝ ԵԽ Նախարարների կոմիտեի նախագահի կոչին
Քաղաքականություն
19.01.2023 | 20:11
Ադրբեջանի ԱԳՆ-ն արձագանքել է Իսլանդիայի ԱԳ նախարար, Եվրոպայի խորհրդի Նախարարների կոմիտեի նախագահ Թորդիս Կոլբրուն Ռեյկֆյորդ Գիլֆադոտիրի՝ Լաչինի միջանցքը բացելու հայտարարությանը։
«Կոչ ենք անում Եվրոպայի խորհրդի Նախարարների կոմիտեի նախագահին՝ մնալ անաչառ, զերծ մնալ գործողություններից և հայտարարություններից, որոնք կարող են խաթարել խաղաղությունն ու կայունությունը տարածաշրջանում»,- ասվում է հաղորդագրության մեջ։
Բաքուն նշում է, որ ԵԽ Նախարարների կոմիտեի նախագահի հայտարարությունը Լաչինի միջանցքի փակման հետ կապված չի արտացոլում իրականությունը և ափսոսանք է առաջացնում։
Ադրբեջանի ԱԳՆ-ն նաև «անհասկանալի» է որակել «այդ վերաբերմունքը Լաչինի ճանապարհին խաղաղ ցույցերի կապակցությամբ»:
«Ես մտահոգված եմ Լաչինի միջանցքի մեկամսյա շրջափակման հետևանքով Լեռնային Ղարաբաղում ապրող մարդկանց ավելի ու ավելի ծանր մարդասիրական իրավիճակով։ Ես կոչ եմ անում պատկան իշխանություններին արագորեն վերականգնել միջանցքով տեղաշարժի ազատությունը՝ իրավիճակի հետագա վատթարացումից խուսափելու համար։ Ես կոչ եմ անում բոլոր շահագրգիռ կողմերին՝ իրենց տարաձայնությունները հարթել երկխոսության միջոցով և պատրաստ լինել իրենց ներդրումն ունենալ այս հարցում»,- հայտարարել էր Իսլանդիայի ԱԳ նախարարը։
Էմմա Չոբանյան
