16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանցի իրավապաշպանները երկրում մարդու իրավունքների վատթարացող վիճակը քննարկել են ԱՄՆ Պետդեպի պաշտոնյայի հետ
Քաղաքականություն
19.01.2023 | 23:05
ԱՄՆ Պետքարտուղարության Եվրոպայի և Եվրասիայի հարցերով բյուրոյի Կովկասյան հարցերի և տարածաշրջանային հակամարտությունների բյուրոյի տնօրեն Մարկ Քեմերոնն այսօր հանդիպել է մի խումբ ադրբեջանցի ակտիվիստների հետ։ Այս մասին տեղական լրատվամիջոցներին հայտնել է «Պաշտպանության գիծ» իրավապաշտպան կազմակերպության տնօրեն Ռուֆատ Սաֆարովը։
Նրա խոսքով՝ հանդիպման ընթացքում քննարկվել են Ադրբեջանում մարդու իրավունքների հետ կապված իրավիճակը և քաղաքացիական հասարակության ակտիվիստներին հուզող հարցեր։ Հանդիպմանը մասնակցել են նաև գենդերային ակտիվիստ Գյուլնարա Մեհթիևան, սոցիալական ակտիվիստ Ուլվի Հասանլին և փաստաբան Ագիլ Լայջը։
Սաֆարովը, մասնավորապես, կենտրոնացել է հասարակական ակտիվիստ Բախտիյար Հաջիևի և ընդդիմադիր քաղաքական գործիչ Թոֆիգ Յագուբլուի ձերբակալությունների վրա։
Հիշեցնենք, որ Հաջիևը ձերբակալվել է դեկտեմբերի 9-ին՝ խուլիգանության և դատարանի նկատմամբ անհարգալից վերաբերմունքի մեղադրանքով։ Նույն օրը Խաթայի շրջանային դատարանը նրան կալանավորել է 1 ամիս 20 օրով։ Դեկտեմբերի 15-ին Հաջիևը հացադուլ է հայտարարել՝ պահանջելով իրեն ազատել կալանքից, դեկտեմբերի 28-ին նա դադարեցրել է հացադուլը, սակայն հունվարի 9-ին վերսկսել է և մինչ օրս շարունակում է։
Յագուբլուն բերման է ենթարկվել դեկտեմբերի 23-ին՝ ի պաշտպանություն ակտիվիստ Հաջիևի խաղաղ ցույցի ժամանակ։ Նույն օրը դատարանը նրան ձերբակալել է 30 օրով։ Հունվարի 5-ից Յագուբլուն հացադուլ է սկսել։
Էմմա Չոբանյան
