27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Շվեդական կուսակցության առաջնորդն Էրդողանին «իսլամական բռնապետ» է անվանել
Քաղաքականություն
19.01.2023 | 22:24
Շվեդիայի ծայրահեղ աջ դեմոկրատների առաջնորդ Ջիմմի Աքեսոնը Թուրքիայի նախագահ Ռեջեփ Թայիփ Էրդողանին անվանել է «իսլամական բռնապետ», քանի որ Անկարան շարունակում է իր առարկությունները ՆԱՏՕ-ին անդամակցության Ստոկհոլմի հայտը հավանություն տալու հետ կապված։ Այս մասին հաղորդում է Agence France-Presse-ը, որին վկայակոչում է Turkish Minute-ը։
Ջիմմի Աքեսոնը, որի կուսակցությունը ներկայում աջակցում է Շվեդիայի կառավարությանը, մեկնաբանություններ է արել Dagens Nyheter թերթին տված հարցազրույցում:
«Կան սահմանափակումներ, թե որքան հեռու է երկիրը գնալու Թուրքիային հանգստացնելու համար, որպեսզի ապահովի իր անդամակցությունը ՆԱՏՕ-ին, որովհետև նա, ի վերջո, հակաժողովրդավարական համակարգ է և բռնապետ, որի հետ գործ ունենք: Ես SD-ի հակաիսլամական կուսակցության առաջնորդն եմ և խիստ կարծիքներ ունեմ Էրդողանի նման իսլամիստ բռնապետի մասին։ Նա ընտրված է ժողովրդի կողմից, այո՛, բայց Պուտինն էլ է այդպես»,- ասել է Աքեսոնը։
Շվեդիայի դեմոկրատները (SD) սեպտեմբերին կայացած համընդհանուր ընտրություններում դարձել են երկրի երկրորդ ամենամեծ կուսակցությունը՝ հավաքելով ձայների 20,54 տոկոսը:
Հավելենք, որ Թուրքիան շարունակում է տարբեր պայմաններ առաջադրել ու չվավերացնել Շվեդիայի և Ֆինլանդիայի՝ ՆԱՏՕ-ին անդամակցության հայտը։
Էմմա Չոբանյան
