27.06.2026 | 13:58
Սյունիք բնակավայրից Նորաշենիկ տանող ավտոճանապարհին բեռնատար է կողաշրջվել․ վարորդը հոսպիտալացվել է
Հրդեհի վայր էր այցելել Գեղարքունիքի մարզի դատախազը․ ՏԵՍԱՆՅՈՒԹ
Հասարակություն
19.01.2023 | 16:55
Այսօր առավոտյան տեղեկություն տարածվեց, որ հունվարի 19-ին՝ ժամը 01:30-ի սահմաններում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։ Ավելի ուշ հայտնի դարձավ, որ բռնկված հրդեհի հետևանքով զոհվել է 15 զինծառայող, 3 զինծառայողի վիճակը գնահատվում է ծանր:
Նշենք, որ դեպքի վայր է մեկնել ՀՀ զինվորական դատախազ, ՀՀ գլխավոր դատախազի տեղակալ Գրիգոր Էլիզբարյանը, Սևանի կայազորի զինվորական դատախազության դատախազները և ՀՀ ՔԿ ԶՔԳՎ 5-րդ կայազորային քննչական բաժնի քննիչները:
Հրդեհի վայր էր այցելել նաև Գեղարքունիքի մարզի դատախազը Հրանտ Հակոբյանը։
«Ես չէ, որ այս դեպքով պետք է հաշվետու լինեմ,- լրագրողների հետ զրույցում նշեց Գեղարքունիքի մարզի դատախազը։- Գործը քննվում է, վարույթ է նախաձեռնվել և պատասխանատուն զինվորական դատախազներն են։ Սույն վարույթն ինձ չի առնչվում։ Եվ ես չէ, որ մանրամասներ պետք է ներկայացնեմ հանրությանը։
Ինչ վերաբերում է իմ այստեղ լինելուն, մարզի տարածքում տեղի ունեցած այս դեպքի հետ կապված այլ հանգամանքներ էլ կան, դրա համար ես այստեղ եմ, իսկ թե ինչ հանգամանքներ, դրա մասին հետագայում կհայտնենք»։
Մանրամասները՝ տեսանյութում։
