14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Առավոտ եկա, խառը իրավիճակ էր, ռազմականը չթողեց մոտ գնամ. Ազատի բնակիչ․ ՏԵՍԱՆՅՈՒԹ
Հասարակություն
19.01.2023 | 16:45
Այսօր առավոտյան տեղեկություն տարածվեց, որ հունվարի 19-ին՝ ժամը 01:30-ի սահմաններում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։ Ավելի ուշ հայտնի դարձավ, որ բռնկված հրդեհի հետևանքով զոհվել է 15 զինծառայող, 3 զինծառայողի վիճակը գնահատվում է ծանր:
Ազատի բնակիչ, տրակտորիստ Սեյրան Նազարյանը, ով դիրքեր տանող ճանապարհների մաքրման աշխատանքներ է իրականացնում, լրագրողների հետ զրույցում նշեց, որ կատարված դեպքի մասին առավոտյան է տեղեկացել․ «Առավոտ եկա, խառը իրավիճակ էր, ռազմականը չթողեց մոտ գնամ։ Չեն էլ թողել տեսեմ՝ ով է ողջ, ով՝ մահացած։ Ծառայության պետն ինձ ուղարկեց դիրքեր, նոր եմ իջել»։
Անդրադառնալով դեպքի հետ կապված շրջանառվող վարկածներին՝ Նազարյանը նշեց․ «Կարող է վառարանից փայտի կտոր է թռել, հրդեհվել է, կարող է հոսանքի խախտում՝ է եղել, հնարավոր է և դիվերսիա եղած լինի․ դա փորձագետները կպարզեն»։
Ազատի բնակչի խոսքով՝ ամեն օր էլ անընդհաը կրակոցներ են լինում մոտ 50մ հեռավորությունից․ «10 օր առաջ իմ տրակտորի ուղղությամբ էլ են կրակել։ Բախստ բերել է, անցել եմ»։
Մանրամասները՝ տեսանյութում։
