29.10.2026 | 14:37
Դուք ուժեղ չեք․ կռիվ մի սարքեք՝ չեք ծեծվի․ Վահագն Ալեքսանյան․ ՏԵՍԱՆՅՈՒԹ
Արտոնություններ են տրամադրվել հերթական ներդրումային ծրագրերին. կստեղծվի ավելի քան 100 նոր աշխատատեղ
Հասարակություն
19.01.2023 | 16:09
Կառավարության որոշումներով մի շարք ընկերությունների տրամադրվել է գերակա ոլորտում իրականացվող ներդրումային ծրագրի շրջանակում օգտվել ներմուծման մաքսատուրքից ազատելու արտոնությունից․ տեղեկացնում են ՀՀ կառավարությունից։
«Սաթենկար» ՍՊԸ-ն ներմուծվող հումքը նախատեսում է օգտագործել հագուստի արտադրության համար։ 2002 թ. հիմնադրված ընկերությունը արտադրությունն իրականացելու է Կոտայքի մարզում։ Թողարկված արտադրանքը նախատեսվում է արտահանել ԵԱՏՄ անդամ երկրներ, ԵՄ և ԱՄՆ։ Ծրագրի շրջանակում նախատեսվում է իրականացնել 946 մլն դրամի ներդրում հումքի ձեռքբերման համար։ Ներդրումային ծրագրի շրջանակում նախատեսում է ստեղծել 53 նոր աշխատատեղ՝ մինչև 157 հազար դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 946 մլն դրամ: Մաքսատուրքից ազատման արտոնությունը գնահատվում է 75 մլն դրամ:
«Մեգ Մեդիքալ» ընկերությունը ներմուծվող հումքը նախատեսում է օգտագործել մեկանգամյա օգտագործման բժշկական պարագաների, այդ թվում՝ վիրաբուժական հավաքածուների, խալաթների, սավանների արտադրության համար։ 2002 թ. հիմնադրված ընկերությունն արտադրությունն իրականացնելու է Արագածոտնի մարզում և թղարկված արտադրանքը նախատեսում է արտահանել ՌԴ և ԱՄԷ։ Ծրագրի շրջանակում նախատեսվում է իրականացնել 33 մլն դրամի կապիտալ ներդրում և 25 մլն դրամի ներդրում հումքի ձեռքբերման համար։ Ներդրումային ծրագրի շրջանակում նախատեսում է ստեղծել 30 նոր աշխատատեղ՝ 150-180 հազար դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 63 մլն դրամ: Մաքսատուրքից ազատման արտոնությունը գնահատվում է 3.1 մլն դրամ:
«Գարատ» ընկերությունը ներմուծվող հումքը նախատեսում է օգտագործել ծխախոտի արտադրության համար։ 2021 թ. հիմնադրված ընկերությունն արտադրությունն իրականացնում է Արմավիրի մարզում։ Թողարկված արտադրանքը նախատեսվում է իրացնել ներքին շուկայում, ինչպես նաև արտահանել երրորդ երկրներ։ Ծրագրի շրջանակում նախատեսվում է իրականացնել 18.1 մլրդ դրամի ներդրում հումքի ձեռքբերման համար և ստեղծել 20 նոր աշխատատեղ՝ 400-500 հազար դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 18.1 մլրդ դրամ: Մաքսատուրքից ազատման արտոնությունը գնահատվում է 2 մլրդ դրամ:
«Լենտեքս» ընկերությունը ներմուծվող հումքը նախատեսում է օգտագործել տրիկոտաժե կտորի, գուլպաների, զուգագուլպաների, հագուստի արտադրության համար։ 2001 թ. հիմնադրված ընկերությունը արտադրությունն իրականացելու է Գյումրիում, թողարկված արտադրանքը նախատեսվում է արտահանել ԵԱՏՄ անդամ երկրներ, ԵՄ և ԱՄՆ։ Ծրագրի շրջանակում նախատեսվում է իրականացնել 1.8 մլրդ դրամի ներդրում հումքի ձեռքբերման համար։ Արդյունքում կստեղծվի 35 նոր աշխատատեղ՝ 100-115 հազ դրամ միջին ամսական աշխատավարձով։ Արտոնություն ստանալու համար ներկայացված ապրանքների արժեքը կազմում է 1.9 մլրդ դրամ: Մաքսատուրքից ազատման արտոնությունը գնահատվում է 95 մլն դրամ:
