07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
«Վստահ չեմ, որ Պուտինը դեռ ողջ է». Զելենսկին ասել է, որ չի հասկանում՝ ում հետ պետք է բանակցել Մոսկվայում
Քաղաքականություն
19.01.2023 | 19:18
Հինգշաբթի Դավոսի տնտեսական ֆորումի մասնակիցների հետ զրույցում Ուկրաինայի նախագահ Վլադիմիր Զելենսկին ասել է, որ լիովին չի հասկանում, թե ով է այժմ որոշումներ կայացնում Կրեմլում, և արդյո՞ք նախագահ Վլադիմիր Պուտինը դեռ ողջ է։ Այս մասին գրում է BBC-ի ռուսական ծառայությունը։
Ուկրաինացի առաջնորդն անդրադարձել է Վլադիմիր Պուտինի վերջին հեռուստատեսային ելույթներին, որոնք, ըստ փորձագետների, տեսագրվել են տեսանյութի վրա ավելի ուշ դրված ֆոնից առանձին։ Այդպիսին էր, մասնավորապես, նրա ամանորյա ուղերձը։
Զելենսկին հայտարարել է, որ Պուտինն էկրաններին հայտնվում է, այսպես կոչված, միատոն ֆոնին, որի վրա ցանկացած պատկեր կարող է հետագայում տեղադրվել տեսախմբագրիչում, և «պարզ չէ՝ արդյո՞ք նա ընդհանրապես ողջ է»։
«Ես լիովին չեմ հասկանում՝ նա ո՞ղջ է։ Չգիտեմ՝ ով է որոշումներ կայացնում, մարդկանց ինչ շրջանակ։ Երբ ասում ենք «խաղաղության բանակցություններ», այնքան էլ չեմ հասկանում, թե ում հետ։ Ռուսաստանը պետք է ինչ-որ մեկին գտնի, հետո ինչ-որ բան առաջարկի»,- հայտարարել է Ուկրաինայի նախագահ Վլադիմիր Զելենսկին։
Դավոսում «Ուկրաինական նախաճաշի» մասնակիցների հետ տեսակապով խոսելիս Զելենսկին նաև ասել է, որ Պուտինը պատմության մեջ կմնա որպես մարդ, որը հսկայական անդունդ փորեց Ռուսաստանի և Ուկրաինայի ժողովուրդների միջև։
Տաթև Ֆռանգյան
