27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
Ռուսաստանը T-14 «Արմատա» տանկերը ռազմաճակատ է տեղափոխում քարոզչական նպատակներով․ բրիտանական հետախուզություն
Քաղաքականություն
19.01.2023 | 18:23
Ռուսաստանը, հավանաբար, դիտարկում է նոր T-14 «Արմատա» տանկեր Ուկրաինա ուղարկելու հարցը։ Այս մասին ասվում է բրիտանական հետախուզության հերթական զեկույցում, գրում է BBC-ի ռուսական ծառայությունը։
Դրա համաձայն՝ T-14 տանկերը նկատվել են դեռ դեկտեմբերին Ռուսաստանի հարավում՝ մի տարածքում, որտեղից սովորաբար իրականացվում է տեխնիկայի տեղափոխումը Ուկրաինայում մարտերի վարման համար։
Նախկինում ռուսական լրատվամիջոցները հայտնում էին, որ T-14-ները տեղակայվելու են Ուկրաինայում, սակայն դեռ պարզ չէ, թե Ռուսաստանն ինչ քանակությամբ տանկեր է տեղափոխել մարտական գոտի։
Բրիտանական հետախուզությունը կարծում է, որ «Արմատա» տանկերի տեղափոխումն իրականացվելու է հիմնականում քարոզչական նպատակներով, սակայն մարտերում այդ տեխնիկան ակտիվորեն չի կիրառվի։ Նշվում է, որ բացի լոգիստիկ խնդիրներից, որոնք կապված են այս տանկի շատ ծանր լինելու հետ, դրա մշակման և տանկի արտադրության ծրագրի իրականացումն ավելի քան 10 տարի ուղեկցվում է ուշացումներով և արտադրական խնդիրներով:
Ռուսաստանը նաև ավելի վաղ կրճատել է այս տանկերի նախատեսված թիվը։ Այդ պատճառով էլ T-14 տանկերի ակտիվ օգտագործումը ռիսկային որոշում կլինի Ռուսաստանի համար։
Էմմա Չոբանյան
