23.06.2026 | 12:20
ՌԴ-ից Ադրբեջանի տարածքով Հայաստան է ուղարկվել 408 տոննա պարարտանյութ
Թուրքիայում իշխող կուսակցության պատգամավորը փորձել է խեղդել ընդդիմադիր կուսակցության ներկայացուցչին
Քաղաքականություն
13.06.2018 | 18:49
Թուրքիայում հունիսի 24-ին կայանալիք նախագահական և խորհրդարանական ընտրությունների քարոզարշավը անցնում է բավականին լարված մթնոլորտում. տեղեկացնում է ermenihaber-ը:
Թուրքիայի Բուրդուրի նահանգում միջադեպ է տեղի ունեցել հիմնական մրցակից կուսակցությունների ներկայացուցիչների միջև: Իշխող «Արդարություն և զարգացում կուսակցության» (AKP-ԱԶԿ) պատգամավոր և ընտրություններում պատգամավորի թեկնածու Բայրամ Օզչելիքը փորձել է խեղդել գլխավոր ընդդիմադիր «Ժողովրդահանրապետական կուսակցության» (CHP-ԺՀԿ) երիտասարդ անդամ Էրգյուն Էրդեմին:
Դեպքը տեղի է ունեցել ընդդիմադիր քեմալական կուսակցության գրասենյակում, ուր ԱԶԿ-ական թեկնածուն այցելել էր նախընտրական քարոզարշավի շրջանակներում: Կողմերի միջև վեճը, ըստ Օզչելիքի, ծագել էր այն բանից հետո, երբ ԺՀԿ-ի գրասենյակ մուտք գործելուց հետո Էրդեմը հրաժարվել էր սեղմել իր ձեռքը՝ ասելով, որ ահաբեկիչները և գյուլենականները չեն կարող մտնել ԺՀԿ-ի գրասենյակ: Վեճը դադարել էր միայն երրորդ կողմի միջամտության շնորհիվ:
Միջադեպից հետո Բուրդուրի նահանգապետ Հասան Շըլդաքը իր մոտ է հրավիրել նահանգում ԱԶԿ և ԺՀԿ ներկայացուցիչներին, ինչպես նաև վեճի մասնակիցներին: Հանդիպումից հետո Բայրամ Օզչելիքը ներողություն է խնդրել Էրգյուն Էրդեմից:
