07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուկրաինայի կառավարությունը ՆԳ նախարարի ժամանակավոր պաշտոնակատար է նշանակել
Քաղաքականություն
18.01.2023 | 19:18
Ուկրաինայի կառավարությունը Ազգային ոստիկանության պետ Իգոր Կլիմենկոյին ներքին գործերի փոխնախարար է նշանակել և նրան վստահել ներքին գործերի նախարարի պարտականությունները։ Այս մասին հայտարարել է վարչապետ Դենիս Շմիգալը, գրում է Korrespondent-ը։
Նրա խոսքով՝ խորհրդարանի հետ քննարկումից հետո կներկայացվի գերատեսչության նոր ղեկավարի նշանակումը։
«Ներքին գործերի նախարարությունը մեր երկրի անվտանգության առանցքային օղակներից մեկն է, այդ պատճառով էլ գործի են դրվել անհրաժեշտ բոլոր արձանագրությունները, որպեսզի կառավարելի պահենք բոլոր գործընթացները»,- ասել է Շմիգալը։
Հիշեցնենք, որ հունվարի 18-ի առավոտյան Բրովարի քաղաքում ուղղաթիռ է կործանվել, որում եղել է ՆԳՆ ղեկավարությունը։ Ուղղաթիռում գտնվող բոլոր 9 ուղևորները զոհվել են, այդ թվում՝ Ուկրաինայի ՆԳ նախարար Դենիս Մոնաստիրսկին, նրա տեղակալ Եվգենի Ենինը և պետքարտուղար Յուրի Լուբկովիչը։
Վերջին տվյալներով՝ ուղղաթիռի կործանման հետևանքով զոհերի թիվը հասել է 18-ի, այդ թվում՝ 3 երեխա։
Տաթև Ֆռանգյան
