16.01.2026 | 13:10
Կրկնակի օլիմպիական չեմպիոն Աբդուլռաշիդ Սադուլաևը պայմանագիր է կնքել RAF-ի հետ
Ադրբեջանն է դադարեցրել խաղաղության պայմանագրի տեքստի քննարկումները․ Միրզոյան․ ՏԵՍԱՆՅՈՒԹ
Քաղաքականություն
18.01.2023 | 17:20
«Թյուր են այն պատկերացումները, թե հայկական կողմը դադարեցրել է կամ ոչ կառուցողական է խաղաղության գործընթացում, պայմանագրի տեքստի շուրջ աշխատանքներում»,- այս մասին ԱԺ-Կառավարություն հարցուպատասխանի ժամանակ նշեց ՀՀ արտգործնախարար Արարատ Միրզոյանը:
«Լաչինի միջանցքի ապօրինի փակումից հետո մենք, հասկանալի պատճառներով, չմասնակցեցինք Մոսկվայում նախատեսված եռակողմ հանդիպմանը, որը ենթադրաբար պետք է շարունակեր խաղաղության պայմանագրի նախագծի քննարկումները:
Միևնույն ժամանակ, մենք մեր խմբագրական առաջարկներն ենք ներկայացրել ադրբեջանական կողմին: Այժմ սպասում ենք նրանց արձագանքին:
Որպես կանոն՝ մինչ այժմ այդպես է ընթացել գործընթացը․ նախագծի շուրջ լինում են ադրբեջանական, այնուհետև հայկական, այնուհետև ադրբեջանական առաջարկները, ենթադրաբար մինչև այն պահը, երբ ամբողջությամբ համաձայնեցված տեքստ հնարավոր կլինի ունենալ:
Եվ ահա, մենք մեր առաջարկները և դրանց կից հիմնավորումները ուղարկել ենք ադրբեջանական կողմին, արդեն մեկ ամիս է, որ որևէ արձագանք չունենք»,- նշեց Միրզոյանը
Նախարարը շեշտեց, որ ադրբեջանական կողմն է դադարեցրել խաղաղության պայմանագրի տեքստի քննարկումները:
«Զուգահեռաբար տեսնում ենք սադրիչ գործողությունները Լաչինի միջանցքում, ինչպես նաև նոյեմբերի 9-ի հայտարարության դրույթների խախտումները»,- ասաց արտգործնախարարը։
Մանրամասները՝ տեսանյութում։
