08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Այս տարի ևս հրավեր եմ ստացել Անթալիայի դիվանագիտական ֆորումին․ ըստ ամենայնի՝ կմասնակցեմ․ Արարատ Միրզոյան․ ՏԵՍԱՆՅՈՒԹ
Քաղաքականություն
18.01.2023 | 17:08
ՀՀ արտգործնախարար Արարատ Միրզոյանի գնահատմամբ՝ Հայաստանի և Թուրքիայի միջև օդային բեռնափոխադրումների արգելքը վերացնելը դրական քայլ և էական առաջընթաց երկխոսության գործընթացում: Այս մասին նա հայտարարեց ԱԺ-Կառավարություն հարցուպատասխանի ընթացքում:
«Կան բազմաթիվ այլ հարցեր, որոնց շուրջ խոսակցությունն ընթանում է, մենք լիահույս ենք, որ առաջիկայում մյուս թեմաները, որոնց շուրջ խոսակցություն է ընթանում, իրականություն կդառնան:
Իրականում բավականին երկար ժամանակ է՝ մեր երկրների ներկայացուցիչների միջև հանդիպում տեղի չի ունեցել, փոխարենը էքսպերտային մակարդակում ավելի գործնական քննարկումներ, հանդիպումներ են եղել»,- ասաց Միրզոյանը:
Հարցին, թե արդյոք մոտ ժամանակներում նախատեսվում են շփումներ երկու երկրների բարձրաստիճան պաշտոնյաների միջև, Միրզոյանը պատասխանեց, որ երկու երկրների հատուկ ներկայացուցիչների հանդիպում այս պահին նախատեսված չէ:
«Կրկին, ինչպես անցած տարի, Թուրքիայի արտաքին գործերի նախարարությունից հրավեր եմ ստացել մասնակցել Անթալիայի դիվանագիտական ֆորումին, ըստ ամենայնի կմասնակցեմ, որտեղ ենթադրաբար կլինեն նաև հանդիպում և քննարկում, որը երկխոսությունը զարգացնելու, առարկայական արդյունքների հանգեցնելու համար է»,- տեղեկացրեց Միրզոյանը։
Մանրամասները՝ տեսանյութում։
