16.08.2026 | 23:19
Ըմբիշներ Սամվել Տերտերյանը և Յուրիկ Պետրոսյանը դուրս են եկել Մ-20 ԱԱ-ի եզրափակիչ. ՏԵՍԱՆՅՈՒԹ
Ադրբեջանի ԱԳՆ-ն արձագանքել է Լաչինի միջանցքը բացելու` Ավստրիայի ԱԳ նախարարի կոչին
Քաղաքականություն
18.01.2023 | 16:54
Ադրբեջանի ԱԳՆ-ն արձագանքել է Ավստրիայի ԱԳ նախարար Ալեքսանդր Շալենբերգի՝ Լաչինի միջանցքը բացելու կոչին։ Մասնավորապես, Ադրբեջանի ԱԳՆ մամուլի քարտուղար Այխան Հաջիզադեն թվիթերյան գրառմամբ արձագանքել է՝ ադրբեջանական կեղծ թեզերը ներկայացնելով։
«Պարո՛ն նախարար, Լաչինի ճանապարհը բաց է և ազատ տեղաշարժն ապահովված է։ Միայն 2022 թվականի դեկտեմբերի 12-ից մինչև 2023 թվականի հունվարի 15-ն ընկած ժամանակահատվածում ԿԽՄԿ-ի, ռուսական խաղաղապահ զորակազմի 644 մեքենա և տեղի հայ բնակիչներ անցել են երկու ուղղություններով։ Շրջափակման մասին պնդումներն անհիմն են»,- գրել է Հաջիզադեն։
Հավելենք, որ Շալենբերգը ՀՀ ԱԳ նախարար Արարատ Միրզոյանի հետ հանդիպումից հետո թվիթերյան իր միկրոբլոգում գրել էր․ «Ողջունեցի իր գործընկերոջը՝ Արարատ Միրզոյանին Վիեննայում, քննակել ենք համագործակցությունը Ավստրիայի ու Հայաստանի միջև, տարածաշրջանային անվտանգությունը և Հայաստանում նախատեսվող ԵՄ առաքելությունը։ Կոչ եմ Ադրբեջանին՝ վերաբացել Լաչինի միջանցքը և ապահովել տեղաշարժի ազատությունը»։
Էմմա Չոբանյան
