15.01.2025 | 14:25
ԵՄ-ին անդամակցության քննարկումների ֆոնին 2024թ․ ռուսական բիզնեսը սկսել է կրճատել ՀՀ-ի հետ համագործակցությունը․ Օվերչուկ
Արտաշիսյան փողոցում գազային ատրճանակից կրակ են արձակել
Հասարակություն
18.01.2023 | 16:08
Հունվարի 17-ին, ժամը 22.35-ին, ոստիկանության օպերատիվ կառավարման կենտրոն զանգած քաղաքացին հայտնեց, որ մայրաքաղաքի Արտաշիսյան փողոցի 48 հասցեում կրակոցների ձայն է լսվում. տեղեկացնում են ՀՀ ոստիկանությունից։
Հաղորդումը փոխանցվեց ոստիկանության Շենգավիթի բաժին, որտեղից էլ շտապ դեպքի վայր օպերատիվ խումբ մեկնեց: Մեկնեցին նաև Երևան քաղաքի վարչության ղեկավար անձնակազմը, քննիչ և փորձագետ:
Ձեռնարկված օպերատիվ-հետախուզական միջոցառումների և քննչական գործողությունների շնորհիվ պարզվեց, որ իր անվամբ հաշվառված գազային ատրճանակից մի քանի անգամ օդ էր կրակել 41-ամյա մի տղամարդ:
Դեպքի վայրում հայտնաբերվեցին հինգ պարկուճ և մեկ փամփուշտ: Հայտնաբերվեց նաև կրակող տղամարդը: Նա ձերբակալվեց և ներկայացվեց նախաքննական մարմին:
Նախաձեռնվել է քրեական վարույթ: Նշանակվել են փորձաքննություններ:
