Սաուդյան Արաբիայում նախապատրաստվում են ՊՍԺ-ի և երկու սաուդյան ակումբների ֆուտբոլիստներից կազմված թիմի դեմ հանդիպմանը․ գրում է armsport-ը։
Խաղից առաջ կազմակերպվել է բարեգործական աճուրդ՝ հատուկ տոմս գնելու համար։ Այն թույլ կտա հանդիպմանը ներկա գտնվել հատուկ տրիբունայում։ Բացի այդ, այդ տոմսի սեփականատերը հնարավորություն կունենա այցելել հանդերձարաններ և լուսանկարվել ֆուտբոլիստների հետ։
Աճուրդի հաղթող է ճանաչվել սաուդցի մի գործարար։ Նա խաղին ներկա գտնվելու համար կվճարի մոտ 2,5 մլն եվրո։
Խաղը կկայանա հունվարի 19-ին, արաբական ակումբների աստղերից կազմված թիմի ավագը կլինի Կրիշտիանու Ռոնալդուն։
