30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Ուկրաինայում մանկապարտեզի տարածքում ուղղաթիռի ընկնելու հետևանքով զոհերի թիվն ավելացել է
Քաղաքականություն
18.01.2023 | 14:09
Ուկրաինական Բրովարիում ուղղաթիռի կործանման հետևանքով զոհերի թիվը հասել է 18-ի, այդ թվում՝ 3 երեխա, հայտնել են ՆԳՆ-ից։ Իրավապահների տվյալներով՝ վիրավորվել է 26 մարդ, այդ թվում՝ 12 երեխա, գրում է ՈւՆԻԱՆ-ը։
Կիևի մարզային ռազմական վարչակազմի ղեկավար Ալեքսեյ Կուլեբան հաստատել է ՆԳՆ տվյալները։
«Ողբերգություն Բրովարիում։ Զոհերի թիվն ավելացել է։ Ժամը 10.30-ի դրությամբ՝ 18 զոհ, այդ թվում՝ 3 երեխա։ Հայտնի է 29 վիրավորի մասին, այդ թվում՝ 15 երեխա։ Տուժածներին ցուցաբերվում է անհրաժեշտ օգնություն։ Բոլոր օպերատիվ ծառայություններն աշխատում են տեղում»,- գրել է նա։
Հիշեցնենք, որ այսօր առավոտյան Ուկրաինայի Բրովարի քաղաքում մանկապարտեզի տարածքում ուղղաթիռ է կործանվել։ Զոհերի թվում կան ինչպես մեծահասակներ, այնպես էլ երեխաներ։
Ուղղաթիռում են եղել Ներքին գործերի նախարարության ղեկավարությունը, այդ թվում՝ ՆԳ նախարար Դենիս Մոնաստիրսկին, նրա տեղակալ Եվգենի Ենինը և պետքարտուղար Յուրի Լուբկովիչը։
Տաթև Ֆռանգյան
