Մարտական գործողություններին մասնակցած երիտասարդների համար իրականացված աշխատանքները․ ՈՒՂԻՂ

Մեկնարկել է մարտական գործողություններին մասնակցած երիտասարդների համար «Նոր Էջ» նախագծի շրջանակում իրականացված ծավալուն աշխատանքների ներկայացումը։

Հայաստանի Մարդկային ռեսուրսների ասոցիացիայի հեղինակային կորպորատիվ սոցիալական պատասխանատվության «Նոր էջ» նախագիծը մշակվել է մարտական գործողությունների ավարտից անմիջապես հետո և գործում է 2021թ. հունվարից: Նախագծի նպատակն է պատերազմի մասնակիցներին և զինհաշմանդամներին սեփական կարողությունները զարգացնելու, հստակ գիտելիքներ ու հմտություններ ձեռք բերելու հնարավորություն ընձեռել՝ այդպիսով նպաստելով լիարժեք աշխատանքային կյանքին վերադառնալուն:

Արդյունքում «Նոր Էջ»-ի աջակցությամբ մարտական գործողություններին մասնակցած 18-30 տարեկան երիտասարդներին հնարավորություն է ընձեռվել կրթվելու և զարգանալու իրենց ցանկություններից ու աշխատաշուկայի պահանջներից բխող ուղղություններով:

Մեկնարկից ի վեր շահառուներից 854-ն արդեն ավարտել են նախագծով նախատեսված կամ ըստ ուղղորդման որևէ դասընթաց կամ կրթական ծրագիր և 185-ը ներկա պահին մասնակցում են տարատեսակ դասընթացների: Հարկ է նշել նաև, որ 52 երիտասարդ ընդունվել է աշխատանքի:

Ներկայում նախագծին շարունակաբար գրանցվող մասնակիցների թիվը հասնում է 2000-ի: Տարեկան կտրվածքով 2022 թվականին ծրագրին միացել են ամսական միջինում 24 նոր շահառու։

Նախագիծը շարունակական է՝ նպատակ հետապնդելով ներգրավել նոր գործընկերների և համատեղ ուժերով ընդլայնել աջակցության ծավալը և ուղղությունները՝ բացելով նոր էջ հայերենասիրական դժվարին ուղին անցած երիտասարդների կյանքում։