07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Լաչինի միջանցքը բացելու կոչեր ԵԱՀԿ նիստում․ Փաշինյանն այցելել է ՊՆ․ Լուրեր
17.01.2023 | 18:54
- ԵԱՀԿ Մշտական խորհրդի հատուկ նիստում, որն անցկացվում է Հայաստանի նախաձեռնությամբ, Ֆրանսիան վերահաստատել է իր կոչը՝ անհապաղ և անվերապահ վերականգնել Լաչինի միջանցքով տեղաշարժի ազատությունն ու անվտանգությունը՝ հարգելով տեղի բնակչության իրավունքները։ Կազմակերպությունում Մեծ Բրիտանիայի դեսպան Նիլ Բուշն էլ հայտարարել է, որ կոչ են անում Ադրբեջանի կառավարությանը ձեռնարկել բոլոր միջոցները՝ հումանիտար ապրանքների և քաղաքացիական անձանց անխոչընդոտ տեղաշարժն ապահովելու համար։ ԱՄՆ դեսպան Մայքլ Քարփենթերն իր հերթին կոչ է արել Ադրբեջանին և Ռուսաստանին անհապաղ վերականգնել անխափան տարանցումը՝ պահպանելով նախկինում ստանձնած պարտավորությունները:
- Վարչապետ Նիկոլ Փաշինյանն այսօր այցելել է ՀՀ պաշտպանության նախարարություն, որտեղ նրան և այլ պաշտոնյաների ներկայացվել է նախարարության տարեկան հաշվետվությունը։
- Առաջիկա օրերին Երևան կժամանի Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան։ Այցի օրակարգի մասին մանրամասներ չեն հաղորդվում։ Այս շաբաթ Կոլոմինան կայցելի նաև Ադրբեջան։
Այս ժամի լուրերը՝ տեսանյութում։
