08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Ռուսները կրակ են բացել Վրաստանում ԵՄ դիտորդական առաքելության խմբի ուղղությամբ
Քաղաքականություն
17.01.2023 | 20:11
ԵՄ պատվիրակությունը հաստատում է, որ հունվարի 13-ին ռուսները կրակ են բացել ԵՄ դիտորդական առաքելության խմբի ուղղությամբ Մեջվրիսխևի գյուղում՝ սահմանազատման գծից ոչ հեռու։ ԵՄ ներկայացուցիչը պատմել է, որ վտանգ չի եղել, քանի որ դիտորդական խմբի անդամները գործել են անվտանգության արձանագրությունների համաձայն, հայտնում է Գրուզիա օնլայնը։
Ավելի վաղ այս մասին խոսել էր հակաօկուպացիոն շարժման առաջնորդ Դավիթ Կացարավան։ Նա նշել է, որ հունվարի 13-ին Ռուսաստանի օկուպացիոն ուժերի ներկայացուցիչները կրակ են բացել այն բանից հետո, երբ Եվրոպական միության դիտորդական առաքելության դիտորդական խումբը ժամանել է Մեջվրիսխևի գյուղ։
Հավելենք, որ 2008 թվականից Եվրամիությունը Վրաստանում տեղակայել է քաղաքացիական դիտորդական առաքելություն, որի մանդատն ընդգրկում է Վրաստանի ամբողջ տարածքը՝ երկրի միջազգայնորեն ճանաչված սահմաններով։
Տաթև Ֆռանգյան
